السلام عليكم ورحمة الله وبركاته
أقدم لكم هذه المتواضعة عسى أن ترتقي لذائقتكم
دنّيت يا كفّي من الشوق قرطاس
وش عاد لو إن الدفاتر قليلة
ياما كتبتي فوق زامية الاطعاس
بين السبط و اكفت عليها المخيلة
تذكري دربٍ له سنين ماْ انداس
وخطّي بيوتٍ كل أبوها جزيلة
راحت حياتي بين لذّة وهوجاس
في روض حبٍ يفتن اللي يجي له
واليوم غنّيت المثايل من الياس
لاراجيٍ خلّي ولا أرضى بديلة
ودّي بمن يطريه عندي فلا باس
دام ان شوفه مابقى فيه حيلة
مار الزمن قفّى بخلّي والارماس
ما كنّه اللا محرقٍ له فتيلة
جهاد بن عبدالعزيز بن عبدالله الشعلان