اقتباس: الأخ Esperanza أولاً .. ألف ألف شكر على هالموضوع والمعلومات الرائعة اللي فادت وتبي تفيد الكثير إن شاء الله ثانياً .. ياخوي عندي اقتراح .. وتراي منب أمزح وإلا أجامل , ياخي ليش ماتفتح مكتب سياحي ..! ماشاء الله عليك طريقة عرضك للمعلومات خيااال المهم .. ترى كل هالمقدمة عشان أسأل خخخخخخخخخخخ .. لا عاد أمزح أنا عندي كذا استفسار وإن شاء الله إنك منتب مقصر أول شي .. وش المدن الثانية اللي زرتها بكندا غير فانكوفر وأعجبتك ؟ لأني صراحة أنا ماقد زرت كندا لكن أسمع إن تورنتو و مونتريال بالمرتبة الأولى خصوصاً من ناحية العلم .. لذلك أبي رأيك عن هالمدينتين بالذات ( من جميع النواحي ) يعني الأجواء , الطبيعة , الترفيه , طبيعة الناس ( يعني هم أجاويد وإلا لا لا يفهم أحد غلط ) وإن كانك زرت غير هالمدينتين بعد علمنا لأن صراحة أسلوبك شدني جداً .. وصراحة حسيت إني بوسط فانكوفر بالنسبة للسؤال الثاني .. أنا إن شاء الله على وشك تخرج من الجامعة وعازم - بإذن الله - أواصل دراسات عليا .. فأبي أسألك عن القسم اللي أنا فيه وش وضعه هناك ( القسم Medical Micobiology ) وتراي حالياً بالإنجليزي أعتبر نفسي سيء يعني ياليت لو تكرمت وحصلت معلومات تكون بالعربي .. وبالنسبة للمعاهد هذي إن شاء الله بالصيفية بعد القادمة .. غديك تخاوين . بالنسبة لمدينة تورانتو فنا رحت الها مره وحد و كانت لمدة قلت عن يوم ، و اكون صريح معك ما حبيتها من زحمة العالم فيها و من البرد اللي يدخل العضم ، ياهو بردهم برد. مشكلة توانتو انها المدينة الاكثر ازدحام في كندا و فيها جالية عربية كبيرة ، الغالبية فيهم نصابين و محتالين. من ناحية مدينة مونتريال ، فنا ما رحت الها لكن المعلومات اللي عندي عنها هي من الكندين اللي زاروها او كانو ساكنين فيها و انتقلو الي فانكوفير ، مشكلة مونتريال ان اهلها غالبيتهم من اصول فرنسية لذلك اللغة في المدينة هي الفرنسية ، طبعاً هم يتكلمون انجليزي ، لكن من زود الامة بعضهم اذا كلمتهم انجليزي يطنشك ولا يرد عليك. بصفة عامة اهل المدينة شايفين نفوسهم بقوة و بالذات العرب الناطقين بالفرنسية ( اللبنانيين ونت ماشي). بالنسبة للمدن اللي انا زرتها فهي كلها في مقاطعة برتش كلومبيا و فانكوفير هي اكبر مدينة في المقاطعة. مدينة فانكوفير و بدون اي خلاف او جدال هي اجمل مدينة في العالم ، اهلها قمة في الاخلاق و يحترمون الجميع ، جمال الطبيعة فيها ياخذ العقل. ( ممكن تحصل معلومات مع الصور عن فانكوفير في موضوع ( اشتقت لكي يا فانكوفير)) فيه ايضاً مدينة فكتوريا و اللي هي عاصمة مقاطعة برتش كلومبيا و تقع المدينة على طرف جزيرة كبيرة اسمها جزيرة فانكوفير، المدينة هي جميله جداً و بالذات بالزهور و الاشجار. هذا موقع مدينة فكتوريا. و هذي كم صورة من مدينة فكتوريا: بالاضافة الي فانكوفير و فكتوريا فنا زرت كم قرية و منتجع و مدن صغيرة . اما فيما يخص دراستك فتخصصك Medical Microbiology فنت ماعندك مشكلة و بتلاقية موجود في اغلب الجامعات الكندية ، لكن للاسف كل المعلومات المكتوبة باللغة الانجليزية. لك اجمل تحية