بيوت للمجاراه
سلم نظر لا تقترب صوبي ارجوك ...
الموت في رووس الاصابع مكانه ...
عز الله انك غالي مابه شكوك ...
لكن ما عندي وعندك ضمانه..
كورونيا صادت مماليك وملوك ...
ماهوب يشملها نظام الحصانه ...
عطفك ولطفك يا إلهي ونرجوك ...
يامن رجانا فيه والشان شانه ...
حسن بن مهدي ابو جبهه الحبابي
......،....................... ..
الحب في قلبي وقلبك وانا خوك
واللي بقلب اخوك ينطق لسانه
ماهو بلازم حب مافيكم شكوك
هذا طريق الصح والصح عانه
لاتقترب مني ولو كنت انا بوك
خلك رزين وخل عندك تكانه
جرثومتاً تعدي ولو جات خلوك
حتى قريبك مايحبك وزانه
مبارك بن مقعد / ابو سعيد
......................
سمعت بيت من حسن بيت محبوك
شاعر وينقى من معاني سمانه
شيخ كريم ماحسب فايض البوك
في مقدم المجلس ويعرف مكانه
جاريت بيتك يابو جبهه وانا خوك
اعجبني المعنى وغزو الكرونه
الباب قد له عشرة ايام مصكوك
الضيف ماسير ولا جاء وزانه
يالله عسى نسمع خبر قال مبروك
زال الخطر عنا وولا زمانه
مبارك ظافر ال غازي
.....................
حسن وابن مقعد على الصح دلوك
وأنا .. أقول ..الكل ..يمسك .. مكانه
خلك حسب مفهومهم يوم وصوك
لجل الوطن .. خلك ببيتك .. امانه
واجب وطن للوعي بالفعل يدعوك
تعاونك .. يصنع .. لنفسك حصانه
ضاعوا !! هل الأبحاث والأمر متروك
للعالم .. القادر .. رفيع .. المكانه
مسفر الدواس
٤-٤-٢٠٢٠ م
...................
تبغي توهقني يامانع على الشوك
وشلي مع اهوال البحر وسبحانه
رددتها لي وكنك تقول لي دوك
وماشوفها لو منت عندي تكانه
ابيات مجارات على ناعشة اوك
يلعب بها قروم مثل لعب زانه
مضمونها وفّر سلامك وروّوٌك
أمر الحكومه لكل فردٍ تكانه
وإحذر تجي غيرك ونبٍه لاياتوك
خلّك في بيتك دام نفسك امانه
بسبّة كرونا مالها حل وأنبوك
فيروس ماينشاف صعب كشفانه
ويازين فرحتنا الى قيل مبروك
زال الوباء وهل رمضانه وأمانِه
منصور المري .. الطامي ... الفطاحله
2020/4/4 م
.............................. ...
الوضع قدله عدة ايام مربوك
وكل يقول الموت جاكم وعانه
محاصرينن بين جدران وشبوك
والهم ماخذله انفوس ارهانه
مسيرنا في الأرض كنه على شوك
امنول والوضع يالليل دانه
واليوم ياراع الرجم غن ياخوك
ماحد خذاله في حياته ضمانه
فرج هارون الحميداني
[٤/٤ ١٢:١٨/٢٠٢٠
...................
انا بحجر من ورى باب مصكوك
كني سجينن حط في وسط زانه
العب مع الجوال وفتش البوك
واقرا كتاب فيه معنى الرزانه
يالله دخيلك وضعنا صارمشبوك
صارت حياة مالها والله خانه
حكمة من الايلاه والوضع متروك
للواحد المعبود عزيز شانه
ابو خالد
محماس قبلان المشعلي
(من الحجر الصحي بعد رجوعي من الخارج ... رحلة علاج)
...................
الله من قلب غدا فيه داكوك
كنه على غوجاً مرخاً عنانه
لله حكمه في تصاريف وفلوك
حتى مجال الكون غير كيانه
وعلم بنادم بنه ناقص وصعلوك
وبين عليه الذل واثبت جبانه
عالم رخا واموال وطغاة وعلوك
وكلاً ظميره قابل للصيانه
( ابن مدغم ) ( 4/ 4/ 2020 )
................
اللي صنعها مابها شك وشكوك
مجرم حقيرٍ كل راسه لعانه
اراد صين بشغل ماهوب محبوك
وعادت على ربعه بذل واهانه
د. عثمان العبدالله... الفطاحله