عندك خبر وش غايتي هالدقيقه؟
ودي اضمك وانفجر فيك ...واصيح!!
في خاطري من جاير الوقت..ضيقه
وقلبي غدا معطوب واطلاله اتطيح
لايغر عينك بسمتي مو حقيقه
بسمه وراها الف مغزا وتصريح
ودي افجر عبرة بي عميقه
فترة غيابك اشبعتني تجريح
اكابر وبقصى ضلوعي حريقه
نار لهبها لوح الجوف تلويح
تعال وشوف من شب صدره حريقه
كل العنا والهم لاشفتك يزيح
علمني كيف الحل كيف الطريقه؟؟
وشلون اضمك وانفجر فيك واصيح