د.حبر ناشف

احساس انثى شايفها نازلة تحقيق مع خلق الله مو اسئلة بس انا برى حتى تثبت الادانه

هوايتي كانت لعب كرة القدم .. والان مشاهدتها .. ايضا البلياردو والقراءة ومتابع جيد للتلفاز واخيرا اعشق كل جهاز اي جهاز اشوفه لازم اجربه ايش مايكون عمله

....
اسباب انقطاعي عن الدراسه اولا اسباب نفسية بحته بسبب تراكم بعض المواد بسبب احد الدكاترة من الاخوة السوريين.. دار نقاش بيني وبين احد اخواني حول ترك الجامعه
كانت النتيجة كالتالي..
في حال مواصلة الدراسه
يتطلب للتخرج تقريبا نعطيها 5سنوات الى سته سنوات
انتضار التعيين يتطلب من سنه على اقل تقدير الى اربع سنوات حسب التخصص ..عاد جغرافيا يبيلي من 6 الى 10 سنوات للتعيين
يعني تطلع الحسبه ياطويل العمر 29 سنه تو نقول بسم الله وضيفه لاسيارة ولا بيت ولامرة مغير شماغ بسام وعقال ابو فتله وقلمين حبر وناشف
ففضلت الوضيفه المبكرة واستثمار العمر بسرعه
توظفت ولله الحمد والمنه بعد تركي للجامعه بثلاثه اشهر وضيفه حكوميه دخلها زي اللوز المقشر
سنه وانا متزوجوسيارة موديل سنتها والسنه الثانيه وانا عندي صبيه قمور وسنه بعد وجا ولي العهد صبي ياربي يحفضهم
كانت النتيجه كالتالي
احد اصدقائي بنفس القاعه وله باع قبلي في القسم بكم سنه لين اليوم وهو يدبك بشهادته يبي يشوف اخر تعبه ايش
ممكن حسبتها انا غلط وممكن حسبتها صح ... الحمد لله ومع ان العلم مايقارن بمال ولكن هذا المكتوب وماكان هذا الطموح بس متطلبات الحياة والعصر الي عايشينه يبي كذا

......................
امنيه اود تحقيقها الحمد لله واشكر فضله كل الاماني تقريبا تحققت بالنسبة لي باقي وحده اتمنى اني اقدر احققها وهي اني انتسب وابداء من جديد في التخصص الي كنت احبه الرسم بس عارف انه يبيلها الكثير من الجهد حيث الانتساب فقط بجده وانا من سكان مكه وصار الالتزامات كثيره ولكن الله كريم يسخرها
....................
تجربه تعلمتها من الحياة التجارب كثيرة ومنها ماكانت قاسيه ومرت بسلام في اوقات تهور وجموح وانفلات والله بستره الي ستر .. تعلمت الكثير ولكن الاهم مما تعلمته ان الصاحب ساحب ساحب ساحب فصحبة الاخيار منجاة ... ولا تعطي سرك الا لنفسك فان خرج من بين اضلعك ضاع
............
اشغل وقت فراغي حاليا انا في فترة استشفاء وفي اجازة مدها سنه شارفت على الانتهاء في السابق عمل وبيت زوجه واشغال مهمه وبيت وعمل وخميس وجمعه كورة كحال اغلب الاصدقاء والبحث والتصفح عبر العنكبوتيه
بعد الحادث اصبح وقت الفراغ كبير جدا وانا في اجازة بيت وزوجه واصبحت من عشاق الصالات الترفيهية اقضي اكثر اوقاتي فيها
وسيعود الرتم من جديد على الموال القديم بس بدون كورة هالمرة لين السنه الجاية
...............
اظن ماخليت شي ماجاوبت عليه حتى احساس انثى بتوه وش تسأل
شاكر لكم