صباح الخير يامسهر عيوني والعباد رقود=صباح الخير يوم انك سلبت النوم من عيني
عساك بخير يا مضنون عيني يانعيم العود=عسى ايامك هنا وافراح بين الحين والحيني
ابادلك المشاعر والمشاعر ظلها ممدود=وابادلك المحبه يوم لك قلبٌ يواسيني
بروحك لايطول الوقت يكفيني الم وشرود=بعينك رد لي شوفك . دخيلك لاتخليني
صحيح ,الغيم غطا نور نورك ! والامل محدود=ولكني على مرساي باقي والامل فيني
اصافح ذكريات الحب ودموع العيون شهود=وافتش , واطوي الاوراق والايام تطويني
جروحي ماتداويها هماليل الليالي السود=ولاتطفي لهايب شوق قلبي وانت جافيني
عسا ايام السعاده والليالي الماضيات تعود= وتروي خافقي من ثغرك الحالي وتدفيني