..|| [ مدخل ..
البارحة يا حزني البارحة غيـــــر
حسيت بأني فاقد إنسان غالـــــي
حسيت بأن الوقت ما عاد به خير
اشتد وجهه .. والدليل :الليــالي
ما عاد ترحم طفل وتحشم كبيــر
عادك تبيها تروف للي استوالي
السلام عليكم .. شحالكم ..عساكم بخير
والله اشتقت حق ايميلات الصور
عاد الحين بنغثكم بإيميل .. هع هع
المهم صور الورد إهداء لموزه ^^
أنساك وأنسا شلون رمت ونسيتك
وأتذكرك . . وآهيم وأرجع أكابر
لا زلت (( أولهم )) ولا زال (( بيتك ))
صدري ولا زالت جروحك " منابر "
هديت حيلـي يا غناتي . . وليتك
فكرت وش تالي " الجفا " و " المكابر "
ماقول أنا من (( دم قلبي )) عطيتك
لكن رضيت أبقى لضريحك [ مقابر ]
ارعدي يا سحابه فوق هاك التلال
صوري له حنيني عقب طول البعاد !
زاد حزني وزاد .. فى قلبي اغتراب
وين مالِـد النِظـر دمعـي سكيـب
شفته اقفى وحال .. من دونه ضباب
ومن بعدها صار جرحي مستصيـب
....
تجربة في فن السيلوليت .. عاد ان شاء الله يكونن اوك ^^
ما هقيت الشمس .. تبطي في الغياب
لين شفت النور عن عينـي يغيـب
صاليت في بعدك . . وياما دعيتك !!
يالين جفت من نداك // (( المحابر ))
حاولت أعلمك (( العطا)) وما لقيتك
لا فيك معنى . . ولا لفتك المخابر !
أظلمت في عيني .. أحلام الشبـاب
لا طريـق ولا صديـق ولاحبـيـب
مع غروب الشمس يا كثر الغياب
والحزن ديره وأنا فيها غريب
ثـلاث سنيـن لـو تحمـل جروحـي يـا حفيـت تـكـل
وأنا اللي من ثلاث سنين خفوقي يا حفيت صويب
: همسه :
صدمتي بالناس ما هي غريبه .. !!
[مخرج ..]
تدري وش اللي غاظني يوم جيتك ؟
إني عشانك . . بعت (( ناسٍ أكابر ))
صحيح من قلبي عشقت وهويتك
وإنت فحياتي كنت إنسان // عابر
لكن رغم إني هويتك . . جفيتك !!
لني أبد ما ألوح لـ (( شخص )) دابر
إبذمتك . . إن كان رحت ورميتك
بتم مثلي يا (( منا الروح )) صابر؟
ولا تغيب وتحسب إني . . نسيتك
وآنا لحد اليوم . . أذكر وأكابر !!
سأسير ولن أنظر للخلف، وسأدوس الأشواك لأكسرها حتى لا أشعر بها