يقولون الصدف دايم تـجــي أبــرك مـن الميعاد=واقول الصدفه اللي جابتك خلتني آعاني
ترفق لا تـعــذبـني تـرى تــو الجـروح جــــداد=ترى لازالت أحزاني على خـبرك هي أحزاني
تحـملـتـك عــسى يوم ٍ عـرفـتـك فـيه ماينعاد=تفـنـنـت بعذابي وإبـتـدت بي غربة أزماني
صبرت وقـلـت تـتــْـعـدل ولكن الصــبر مافاد=على شانك تأكد صابر ٍ ماهو على شاني
هقيت إنك تبادلني غـــلاي وفي شعـــورك جاد= واثاريك إتــّـسلا والغلا حق واحد ٍ ثاني
عظيمه كانت الصدمه على ماقـيـــل جبت اعياد= لعبت بحسبة أشواقي واحاسيسي ووجداني
على هذا أنا قـررت تـركـك يـوم حـمـلي زاد=وأنا شاللي مصبرني على هــمي وحرماني
تركتك ليش ماتـدري سؤالك فيه لعب أولاد= لأني أرفـضـك لما تجاهـلني وتنساني
أنا بالطـيـب تـمـلـكــني ولـكن لا تـجي بعـناد= تحداني ترى مافاز قبلك من تحداني
يقـولون الصدف حـلوه عـسى يوم الصدف لاعاد=لأني يوم صادفـتـك بصدري ثار بركاني
صح لسانك وبيض الله وجهك ايها الشاعر الفحل
لله درك على هذه الدرة الرائعة
عتب من القلب للقلب فوق كل تقييم
لاهان راسك يالغالي
اعجابي وتقديري
مع أطيب تحياتي