[الطائر المهاجر]

https://www.youtube.com/watch?v=DRbUVI59N1c&t=10s

من نظر ما جرى حولنا من حروب=يدرك انا بأمان ونعمة ظاهره
ويدرك انه مخطط خادع للشعوب=في شعا رات وهم كلها فاجره
ابتدت في الحقيقه بعد فيلم كذوب= يوم الابراج تضرب بلحظة غادره
دبروها بليل ما خطر لليوتوب = وضح اللي تدبر وفضح الطايره
لصقوها بعربان بليا ذنوب =وان الارهاب والاسلام بمسايره
وفيلم اخر جديد انكشف بالندوب=داعش ومن وراه بخطة ماكره
والهدف دوم واحد مثل اهل الجيوب=ضرب مسلم بمسلم جهل ومتاجره
قسمونا مذاهب واشعلوا للشبوب=واستفاد الأعادي فالعرب سادره
استفاد اليهودي والمجوسي يجوب= بين صنعاء ودمشق وليبيا الخايره
استغلوا ضعاف الفكر تبدا الخطوب= دام بالناس جوع يفقد الذاكره
واستغلوا قليل الفهم راع الحلوب= مشاركينه حليب ولعبة الباصره
ولو عصاهم يقولوا الذيب حولك قنوب=الحراسه علينا بعيننا الساهره
ولو تأخر عليهم عارفين الدروب=حركوا من يبونه لو هو مناصره
كل وقت لهم من يرغبون الركوب=ينحرق وقت شاءوا بخطه مغايره
ويستمر العرب ما بين نار وهبوب= لو طفت وقت شبت لحظة غادره
يستمر الأعادي يشعلون الحروب= كل يوم ضحايا بأمة عاثره
دون علم حقيقي معلي للرتوب=ودون عقل سياسي فكرته باهره
ودون حس وضمير شاعر بالذنوب=الأمل فاقدينه بأمة حادره