[احمد الجريفاني]

قالت: تراني شاعره يا الجريفان=قلت: اثبتي لي كان شعرك حلالك
يا الغاليه طالبك ابي خمس قيفان=وان كان جبتي واحدن حي فالك
ابي ابتدي با القاف واختار عنوان=واعطيك مهله واتحرى مقالك
على الماسنجر لجل ما يسال فلان=ما يثبته يا بنت غير ارتجالك
وابي الزعل مرفوع من بين الاخوان=نبي الحقيقه مانوينا قتالك
قالت تحدي !؟ قلت: مخزين شيطان=كله دعابه لجل ازيد اشتعالك
انتي قصيدة حب في كل الازمان=والشعر يفخر لاكتب في جمالك
ماانتي بحاجة نظم عذبات الاوزان=لو تامرين الشعر كله عنى لك
ولو تسالين القاف جاوبك ولهان=لمعانق احساسك وتقبيل شالك
الشعر لولى الغيد ما صار له شان=ومن حاربنه سجل انسان هالك
ياللي تعاندهن تراك انت خسران=لو كنت صاحي غصب يضهر هبالك
يا بنت ابي عفوك انا كنت غلطان=يوم اتحرش كان قصدي وصالك