[الطائر المهاجر]

ظهرت من الحزم اللي به = سيد السادات من العشرة
حطيت سنام باليمنى = ووردت الرقعي من ظهره
ولقيت الجوع ابو موسى = بان له بيت بالحجره
عليه قطيعة دسمال = وبشيت منبقر ظهره
وحاكاني وحاكيته = وعطاني علم له ثمرة
ما يرخص عندي مضمونه = وأقول بعلمه وخبره
الزلفي فيه زغيويّة = أوي دحوش بجزرة
وأهل مغيرة مابهم خيرة = وأميرهم ذاك القذرة
من قابل خشم العرنيّة = فالخاطر منقول خطره
ومن قال أنا مثل سليمان = كرم السامع ياكل بعره
والخيس بويليد مسقى = ضبيب لاجي له بوعره
والفيحا ديرة عثمان = مقابلها ديار الزيره
وأهل جلاجل نعيميّة = ورا الباب مامن ظهره
وأهل التويم راس الحيّة = من وطاها ينقل خطره
وأهل الداخلة النواصر = خاطرهم مقطوع ظهره
ابن ماضي راعي الروضه = ياخذ منهم ربع الثمره
وابن نحيط راعي الحصون = الداشر رضّاع البقره
وأهل الحوطه وقصراهم = نصف خنيث ونصف مره
وأهل العطار عرينات = الله يقطع ذيك الشجره
وأهل العودة عند الندوه = عد أخيك وعد عشره
وأهل عشيرة منيعات = أوي رجال بذيك الظهره
وأما الحريّق جحرٍ ضيّق = ماياخذإلا اللي حفره
وأهل تمير قريريشه = ماشال العير شال ظهره