سر ياقلم واكتب وش اللي طرالي =اكتب على بيض الورق صافي الشوق
سر ياقلم بلّغ عزيز(ن) وغالي =بلّغ سلامي داخله عذر مرفوق
قله غلاه مشيدٍ برج عالي=ماظنتي مثله يجي جنس مخلوق
يومه طلبني مطلبه صار عالي =كايد على أهلي والقدر باقنا بوق
هوكان يطلب سنة الله حلالي =لكن ظروف الوقت تعوقنا عوق
من عقبها جاني ودمعه همالي =قال الفراق أرحم ولا حب وحروق
من غيبته تصفق يمني شمالي =والحزن حولي صار كنه كما الطوق
كني أشوف الموت بالعين جالي=أبطلبه لامت يوفي لي حقوق
ان مت يحضرجثتي مع خوالي =يمشي مع أهلي والنعش ماسكه فوق
واليا دفنوني وسط قبر(ن) لحالي =أرجيه يذرف دمع الأعيان محروق
وقله تقول أرجوك حقق آمالي=ان جاك بنت(ن) عقبنا سمها (شوق)
وقله تراه مخيمٍ في خيالي =واسمه نقشته بين شريان وعروق
روض الغلااا