شذا الاشراف

يعطيكي العافية يا ام ياسر على كتابة ما قلته لك بالحرف الواحد.


المشرف العام

هلا والله ببو عبدالله

تكفى يا بو عبدالله لا تدقق مره بالموضوع تراني طالبك.

ترا الواحد اذا بغى يقص قصة يحب يضيف لها شوي اثارة عشان تضبط.

يعني وش الفرق بين ام صده و المرقب ، ترا كلها احياى والله محد يدري وينها فيه الحين.

اقتباس:

تنظيم حركة المرور كانت هي السبب في الحبل ، وكان عمرك لايتجاوز سنه ونصف ، لكن لما ذكر لك الأمر فيما بعد اعتقدت أنك تتذكره وأن عمرك 4 سنوات. فبناءا على كثرة حركتك تم استيراد حبل طوله 60- 100 متر .

انت الحين اعترفت انك كنت تربطني بحبل ، الحين ابرفع عليك قضية في مجلس الامن لانك انتهكت حقوقي الانسانية

اقتباس:

سيارة مرسيدس موديل قديم وسيدان ، وليست كبيرة ،

بالنسبة لبزر عمره اربع سنوات كل السيارات كبيره

اقتباس:

كان ابوك في العمل ولما رجع للبيت وما حصلك وعرف إنك عند جدتك ، اللي بيتها قدام بيتكم ، تغدى وعين من الرحمن خير ، وجاء لكم ، وشاف يدك إلا صايرة كنها مغرفة بلاستك منعفطه

ونا وش يدريني انت وينك فيه ، انا بحلن بروحي و بيدي المكسوره ، و الحين ابرفع عليك قضية ثانية لانك قعدت تغدا و تركتني مع يدي المكسوره .. يا قلبي على يدي مكسوره و تدودل و تقل مغرفة بلاستيك و انت مغير قاعد تغدا.



اصلا اليد ما جبرت وش لون يكسرها ، الجزء المكسور هو وحده من الجرايد الثنتين في الذراع ، وكانت من التجبير السابق ، يادوب طرف من اطرافها ملامس للطرف الآخر ، يعني كل ما احتاج إنه رفعك بيديك شوي
عن الأرض ، وانفصل الجزء اللاحم ، ياكثر نصبك

يعني يدي طقت ولا ما طقت؟

طقت صح ، والله انها لين الحين توجع

اقتباس:

كان لابد من وجود مويه دافيه وليست حاره لتساعد على تليين العضله ، ثم بدأ بتلمس مكان الكسر ليحدده بدقه ، ليضع عليه الجبيره .. قال ايه قام يهمز ذراعي ، لا يامردونا .. عندك شد عضلي ..

ايه انت رجال كبير و الموية الدافية عندك تراها كانت تغلي بالنسبة لي ، لو انهم حاطين يدك انت فوق الموية كان صدقتني.


بعدين تعال يا بو عبدالله انت وراك شاب فيني ، تراني انا بس قاعد اوثق التاريخ للاجيال الاحقة


المهم ارفق على شوي في الجزء القادم من الموضوع.

لك الشكر و التحية