[الطائر المهاجر]

بمناسبة اليوم الوطني للمملكة العربيه السعوديه
رأيت ان يشارك شعراء الفطاحلة في بناء قصيدة
بهذه المناسبة نعبر فيها عن اهمية هذا اليوم خاصة
ما تتمتع به من امن وامان ورخاء واستقرار في عصر كثرت فيه
الفتن والفوضى في معظم البلدان العربيه
مطلوب من كل شاعر ان يضيف 3 ابيات على الأبيات التاليه
بنفس القافيه والطاروق وان يراعي تسلسل الأفكار والمعنى

يوم الوطن عيد المعزه والامجاد= وذ كرى عزيزه في قلوب الملايين
يوم اكتمل بنيان دوله برواد = صقر الجزيره قادهم بالميادين
دولة حضاره والشريعه لها عماد = دولة قويه ما تهاب المعادين
دستورنا القران من عهد الاجداد=و سنة رسول الله و بالحكم راضين
بالعزم و الايمان و سيوف حداد=و الحكم ساس العدل و حماية الدين
امن الحسا للخرج لا قلعة جياد=لين الوديعة لا ظبا لين دارين
نسقي ترابه دمنا جمع وافراد=وارواحنا دونه حصون وسياجين
حنا رصاصً له وحنا له زناد=وحنّا بنادق له وحنّا نياشين
وحنّا الصواعق نحرق اللي له يعاد=وحنّا الزلازل والغرق والبراكين
لا دمدم العادي بهرجه والاحقاد= بالفعل دمدمنا وقلبنا الموزاين
ما ننخدع من طعم ماكر وحساد= نمشي ثباتٍ وما نداري المحابين
نحمي حمى الاوطان من عصف وارعاد= وبالعدل نمشي في طريق النبيين
من خلقة الدنياوحنابهااسياد=والله جعلها قبلة للمسلمين
في حبها ماحتاج برهان وسناد=اطهر بقاع الارض وحنا موالين
بلادي هواها صفدالقلب بصفاد=ومن لامني فيها قليل البراهين
رجالها وافين في كل ميعاد =مايخلفون الوعد للعهد وافين
ماهمهم واشي وحاقد وحساد=على هدى سيد المخاليق ماشين
يا دار ميلادك لنا خير ميلاد=فرحة وطن غالي منول و ذلحين
يالله تحفط دارنا فوق الامجاد =واحفظ عليها هالرجال الموامين
يالله عسى ايام الوطن كلها اعياد=في ظل ابو متعب زعيم السلاطين