الله عليك والله ما تدري عنا البارحة من لقيت هديتك مكتوب عليها
لازم نجلس جو رومنسي
وانا اللي اطمر للسيارة
واطير على الفوال على طول واطلب ثنين مطبق
وواحد معصوب موز
وتونه بالبازلا
وعلبة سفن اب ام اربعة ريالات
ويوم جيت احساسب والاني ناسي البوك اللي اصلآ فاضي
مافيه الا 15ريال ولا طاع يعطيني الفوال خبز
واجيك راجع للبيت يوم بدينا نتعشى فطور
طبعآ بما ان ماعندنا خبز نغط المطبق على التونه ونعجز نمسك البازلا
بغيت انسى السالفة المهم اني واشغل الوصله اللي اهديتها لنا ياذيب الايوم انها قلبت
المره علي وزعلت وقامت تهاوش علي بس واصلت الاكل(هـي) اما تفوت التونه
تقول انك قاعد تتسمع بنات يغنون وغارت علي قلت يابنت الناس هذي مهيب بنت
هذي حرمة اكبر منتس .
المهم ان المره كرشتني وانا اللي اطلع وانسسسدح في الدهريز اللي جنمب المصباح حق علا الدين
وقمت اردد هالبيت
الناس نامت وانا نومي عصاني= الذيب وهقني ولبسني مصيبة