اشوف المنايا تاخذ الزين والشين=ولاعاد يفرق عندها من تريده
ياموت عجل بالفنا بالرديين =وبقى على الطيب حياة مديده
لاشك ماتردع هواجيسي البين=ولاهي على بعض المواقف حميده
الموت حق وكلنا يوم مقفين=ياالله تجعل خاتمتنا سعيده
وعمالنا ترجح بكل الموازين=رحماك ياللي مايخيب عبيده
كم وكم نفجع بفقد المحبين=اللي مواقفهم معانا فريده
دنياك ماتسوى ولاحنا بعيدين=بالاثر نمضي وكل حي تبيده