تجافيني وانـا خلـك=وتهجرني وانا حلـك
وترجع تعتذر وتقـول=انا قلبـي تولـه لـك
وتوصلني واقول اهلين=هلا ياسيـد الحلويـن
هلابك يانظير العيـن=هلابك بعضك وكلـك
هلا بالطيـب الغالـي=علي قسوتك تحلالـي
تفظل واقعـد اقبلالـي=واسقينـي انـا دلـك
انا في الود مجنونـك=واكثر مـن يحبوبـك
ولو ملوك من دونـك=انـا يازيـن ماملـك
وجودك فرحة اسنيني=وحبك يانظـر عينـي
تدفق فـي شرايينـي=مع الجينـات متسلـك
يقولون العـرب لـول=مصير الحال يتحـول
ولو طول وما طـول=مـع الايـام متهـلـك
وحبـك دوم يتـجـدد=مـع الايـام يتخـلـد
وكنـه م الغـلا يولـد=سكن في القلب وتملك
فديتك انت واخوانـك=وفديت اهلك وجيرانك
وفديت الناس من شانك=وفديت البطن لي شلك