الموضوع
:
قصيده ومجاراتي لها غزل
عرض مشاركة واحدة
28-12-2012, 06:10 PM
رقم المشاركة :
1
محمد مطر المطرفي
ضيف
معلومات إضافية
النقاط :
10
الحالة :
قصيده ومجاراتي لها غزل
بسم الله الرحمن الرحيم
سمعت قصيدة للشاعر / عوض بن خيران الرشيدي
فجاريته بالابيات التى تلي ابيات قصيدته
ارجو أن تحوز على رضاكم
يقول
غيرت لي عن طرق وإخترت لي طرق = طرق الهنوف اللي ذبحني بطرقه
إما يحرقني حرق وإلا أحرقه حرق = وإن ما حرقته له نظام (ن) يحرقه
ولا عشت بالحيله ولا عشت بالدرق = ولا إتهمت في درقه ولا جيت درقه
يا ضلع وين الورق ما مرك الورق = اللي عيونه تسرق النوم سرقه
اللي يخيل البرق لو ما برق برق = وين السحاب وين غيمه وبرقه
عنا بحر غربي وعنا بحر شرق = وخفر السواحل بين غربه وشرقه
على قوارب بيض وإعيونها زرق = متوقعين إنه تجي فيه غرقه
الرب واحد والبشر بينها فرق = يبين في دينه ودنياه فرقه
والطيب زرقة رمح وإن ما رقيت إرق = قبل تموت وسبة الموت شرقه
وسلامتكم
مجاراتي
الطرق ما به فرق ولا أغير الطرق = يوم إن ابن خيران غير بطرقه
ما ألوم حاله بالهوي محترق حرق = قطعة وصال الزين تحرقه حرقه
زين (ن) درق عينه سرق نومها سرق = خلى إعيونه ساهره تخاف درقه
حالي مثل حاله ولا بينهن فرق = مثله ذبحني الزين بعيون زرقه
اللي زرقني برمح من حاجره زرق = قطع خفوقي بكم زرقه وزرقه
كنت أتمشى غرب وميلت للشرق = ولا عدت أفرق بين غربه وشرقه
قلت اترك الموضوع لا ينفجر عرق = في وسط راسي سلم الله عرقه
وأترك طرق الحب ومطارد الورق = وكم عفت بين الورق طرقه وطرقه
تركتهن لله ما همني القرق = وحكي البشر ما همني بزود قرقه
لو إجتمعنا بالهوى حاصل(ن) فرق = ومهما إقتربنا بعدها تصير فرقه
وكم واحد (ن) خاض البحر ما خشى الغرق = هو ما دري بموته سبايبه غرقه
خطوى الولد طيبه كما لايح البرق = يرقى بمعالي الطيب في لمح برقه
وبعض البشر لده عن الطيبه عرق = خايب ... قطعه الله يقطع معرقه
بنت الردي بنت العفن بنت الاخرق = كرته ... لزوم ولازم إنك تحرقه
مهما إتزين بالخلاقين وإخرق = جمالها كلته تواليه خرقه
وسلامتكم / اخوكم ابوسلطان
محمد مطر المطرفي
توقيع
محمد مطر المطرفي
محمد مطر المطرفي
مشاهدة ملفه الشخصي
البحث عن المشاركات التي كتبها محمد مطر المطرفي