سلام (ن) ولو ماترد السلام= يبقى غلاك الذى مانزح
وتبقى حبيى برغم الخصام =ويبقى عذولك معى مانجح
مشاريه قلبى بجنح الظلام=نوارس وشطن ومركب جنح
حقوق المحبه ماهى بالكلام=عليك التجنى وعلينا الصفح
بروق (ن) تعرى وجيه الغمام=يبلل مطرها عذوق البلح
تمذرى عصونه كريش النعام= يلبى هطوله كفوف القمح
عيون الليالى ابد ماتنام= تراوح علينا بهم وفرح
وذا طبعها ياغلا بالتمام= ولا همها اى قلب انجرح
هوينا وقالوا هوانا حرام= ففيه الشقاوه وفيه المرح
وتهنا بدرب الهوى والهيام= كما تاه صب الهوى وانجرح
ترفق حبيبى ورد السلام=وخل العذول الذى مانصح
تزول المحبه ويبقى الخصام= اذا كب خيل الهوى او جمح
واذا كان وصلك علينا حرام = حلال (ن) علينا دموع الترح