سرى البارق اللي لـه زمانيـن مـا سـرى = صـدوق المخايـل بارقـه يـجـذب الـسـاري
عـلـى فـرعـة الــوادي وسيـلـه تـحـدرى = وغنـت طيـور المـاء علـى حـايـر الـجـاري
مـرامـي غــزال عـقــب عـرفــه تنكرى= عليـه الله أكبـر كـل مـا حــل لــه طــاري
بـرى الجـرح منـه ومنـي الجـرح مـا بـرى = وهو يحسب انـه يـوم طـال المـدى باري
نطحـنـي بـجـز الـثـوب حــدر المشـجـرى = جمـيـل المحـاسـن لاضخـيـم ولا عاري
ابــو لـبـة مـثـل القـمـر ضــاح واسفرى= والـى غابـت القمـرا تقـدى بــه الساري
تـرى سلبـة العاتـق الــى صــد مــا درى = كما سلبة العرجـون فـى صفحـة الذاري
صويب الهوى مسكين مشيه علـى ورى = ترى النقص فيه وحيله أقوى من الضاري