[سعيد عوده الحويطي]

اخواني اعضاء منتدى الفطاحلة اقدم لكم هذه القصيدة بعنوان ( ماذل نفسي لمخلوق) ارجوا ان تحوز على رضاكم .

من خلقتي ماذل نفسي لمخلوق=اعرف مقامي ماتعدى احدودي
امشي عزيزي وهامتي دايم فوق=ولا تنحني الا في ركوع وسجودي
وان حدني وقتي على قليل الذوق=اللي جهل قدري ويجهل وجودي
ما اسوق له نفسي الى ذلها سوق=ارقى بها للعز لونه سنودي
وان شفت لي رجال جاهل ومطفوق=ما اطاوله بالهرج لونه يزودي
للجهل منطوق وللعقل منطوق=والرابح اللي دوم عقله يسودي
اللي يداري غلطة الناس يرفوق =ولا يطاوع ابليس اللعين العنودي
والطيب بين الناس غالي ومعشوق=ولا يكسب الطيب ردي وحسودي