ياترى لو قلت تانى إن الزمان دة مش زمانى حتملوا منى وتنهرونى
أنا زمنى حب مالى القلوب والحزن فية نقطة يدوب تدوب بحب
حب لحياة ملينة ذهد العيشة فيها سهلة وبسيطة مفيهاش تكلف
تسعد قلوب خايفة وبريئة وفى الحياة مش لائية حيلةغيرحضن قلب
تايها عنيةعلى السعادة دايرة تدور على الأمان فى كل جنب حتى الطفولة ضاعت براءتها خلاص من ظلم أقرب الناس واتزرع مكانها خوف الطفلة تدحك بابتسامة وفجأة تملاها الكآبة لما تحس إن الوشوش ملينة غل أشكى لمين صعبان عليه أشوف آهات
وقلوب كتير ملينة حكايات وأنا واقفة أبص من بعيد باتمنى تتمدلى ميت ألف أيد وأخد بأيدهم وروح بعيد ونحس مرة بالأمان وإن الزمان بقى غير زمان ونحس مرة إن القلوب اتغيرت والوشوش اتبدلت وبقي فية حنان وفية أمان مالى المكان لقلوب بريئة طاهرة ونظيفة من كل حقد والبسمة ترجع لعيون صغارى والحب يبقي هو الأمان فى كل مكان
ياترى ده شيء كتير تبقى الحياة كلها خير لا أب يبعد عن عيالة ولا أخ يفترى فى عيالة
ونقول لمين والضمير يبقى كدة صاحى وجميل ونفتكر يوم الحساب كل حاجة متسجلة ومفيش هروب إلا بسلامة نيتك وحسن الختام