[منصور العبدالله]

اهداء لقلوبكم الخضراء

اثق بهذه القلوب

كما اثق بذائقتكم

لبيك ياللى بالمحانى مرابيك= اسمع صدى اللى من عنا الشوق لباك
لبيك دامك بالمعاليق لبيك= تسرى مسار الدم والقلب ملفاك
جذبتني بأبسط بوادر مباديك=واوردتنى من فعلها حوض الادراك
مبداك يعكس ماتكنه خوافيك= ارهقتنى من نون عينك الى اتلاك
لا تحسب إني من تغليلك ناسيك=ماتدرى انى من سبايبك برباك
يخفى غلاك بمد شوفى مساويك= محدا(ن) يمون بناظري كود شرواك
اغليتنى ياول غلا حيل واغليك=وشلون ابنسى كل هذا وابسلاك
قلبى سفينه متعبتها موانيك=وانت بخفوقى لو تنحيت مرسالك
انتى الاميره والقصايد مماليك= تتبع هواك وتلتزم دوم لرضاك
وهذا قصيدي ينحني لك يناجيك=لو كل حرف(ن) منه ينطق ترجاك
لا تبتعد عن ناظرا(ن) ميتا(ن) فيك=و لاعن خفوقا(ن) كل مافيه يبغاك
ورغم المسافة لو بغيتك بلاقيك= ادورك فى داخلى دوم والقاك
خذها حقيقه دون ريبه وتشكيك= بالحيل احبك واعشقك واتمناك