[صنداح الزلامى]

ابكتب للوطن من ضامرٍ ما يعرف التطبيل = بكلمة حق لاهل الحق واللي الحق عنوانه
تعوّدت الصراحه ما اعترف بالمدح والتبجيل= ولا ني من كتب شعره لأجل فلان وفلانه
اشوف الناس في داري وبعضٍ يضبط التمثيل = يقول انه يحب الدار حب القلب لإيمانه
وهو سر البلى في اللي نشوفه موجب التعديل= وفسادٍ انتشر في الصرح هزّ الصرح واركانه
يحوش النار لقريصه اناني محترف تضليل= اذا منه لقى فرصه نهب لو بيت جيرانه
وتلقى باسمه اعمالٍ كثيره طالها التسهيل= وهي للوافد المحتال مع ربعه وخلانه
يرزونه على انه شيخ لو حطوه كالبرميل= ظلال يحتموا خلفه ولا له في الأمر خانه
وباسمه يلعبوا في البيت واذا من شفت للتحويل= عرفت ان المواطن هو سبب ماصاب جدرانه
مدام الواسطه فوق النظام ولا لها تكبيل = فلا ينلام من يفسد لأنه ضامن اعوانه
نظامٍ فيه ثغراته مثل بيتٍ بجال السيل = الا ياسرع ما يجرفه من ثغره بسيسانه
مدام الاجنبي لاعب يعيش بدارنا تدليل= فلا نشره على العاطل وهو في وسط اوطانه
فكم من خادم عنده فيز ماطالها التسجيل= وختم العمّ في جيبه يغطّي فاضح اعفانه
ولو قالوا ترى ممنوع قال الشغل بالتوكيل = تبوا تعصون امر العم وهو من قال بلسانه
واذا من كلموا رد اللذي شاركه بالتختيل= فلهجتنا غدت سهله على اشوامٍ ولبنانه
وهذا العم لو يدري يشوفون الأذى والويل= ولكن محد ياصل له ليكشف فعل رعيانه
مسافه تعطي المفسد طريقٍ سهل للتغفيل = فكلٍ خايفٍ يزعل ويزعل معه عمانه
همومك ياوطن تبقى طلاسم مالها تحليل = وخنجر في فؤاد اللي ضعيف ولا دري شانه

[/quote]

ابو عبدالله دايم وانت سباق لمثل هذه الامور التي تسحق الوقفة

الصادقة من رجال لهم الكلمة مثلك وشرواك نعم هذا هو القصيد

والتي يعالج قضايانا وهمومنا انت وقفت وقفة رجل يستحق الاشادة

به ايه الشعراء عن مثل هذه الظاهرة ولماذ لايبدون كمابيديت

صح لسانك واعتلى شانك وبيض الله وجهك



دمت ودام شعرك الوفي