اقتباس:
المشاركة الأصلية كتبت بواسطة الطائر المهاجر
خذني معك من وين ما عني اقفيت = خذني معك لو طيف حلم وخيالات
يمكن تذكّرني اذا يوم سجّيت = وتدري بغلاك ولو تطول المسافات
حبك بقلبي ثابتٍ لو تغلّيت= غيرك فلا والله حبيت لحظات
بعْدك حبيب الروح بالبُعد عانيت = ووردٍ زرعته في طريقي ترى مات
يظلم عليّ الكون لاصبحت وامسيت = واعيش بعدك في همومٍ وحسرات
يكفيك دمع فوق الاوجان هليت = ويكفيك قلبٍ ينبض الحزن آهات
تكفى اذا تكفى تهزك اذا اوحيت= ما عاد لي من قلب يقوى المعانات
وان كان ما توحي اذا اليوم ناديت= فانا اشهد انك قاسي القلب بالذات
وانا الضحيه يوم شرواك حبيت= واخلصت من قلبي لمن خذْه ملهات
ما تستحق الحب مهما تداريت = ومثلت لي دور المحبين مرات
لا بوك لا بو حب بالقلب علّيت = اهد ساسه وادفنه مثل من فات
|
الله الله الله يابو عبدالله
رائع رائع والجزاله منك بمكان
الف مليون صح السانك
تحياتي