هذي نكته مصرية لقطتها في اخر سفره لي للقاهرة.:




تاجر فراخ في طريقة الي السوق قابلة كمين فقال له الضابط:

الضابط: الفراخ بتعتك مالها تخينة و مربربة كده ليه....هو انت بتأكلها ايه بالضبط ؟
التاجر: بسيبها تسرح وهي تأكل اى زبالة تلاقيها.

الضابط: الله يقرفك.. بتاكل الفراخ اللي الناس بتأكلها من الزبالة.. غرامة ميت جنية.

و بعد ان دفع التاجر الغرامة وهو في الطريق قابلة كمين ثاني ، فقال له الضابط:

الضابط: فراخك ما لها يا حاج ملظلظة كده ، ليه هو ايه نوع الاكل اللي بتأكلها.
التاجر: بيتي فور .
الضابط: بيتي فور ؟! ... هو الناس لاقيه تأكل عيش علشان تأكل فراخك بيتي فور .. غرامة ميت جنيه.

ودفع التاجر و سار في الطريق و قابله كمين ثالث:

الضابط: ايه الفراخ الحلوة دي.. انت بتأكلها ايه بالضبط ؟
التاجر: والله يا باشا انا بدى كل فرخة ربع جنيه و هي تجيب الاكل اللي على مزاجها.