الطاير داعي
مشكورين على مروركم الكريم لاهنتو
وهذه ايضا من اشعاره
يقول العريفـي يـوم غنـا بالالحانـي
يجاوب حمام الورق من فوق الأغصاني
اعنـي بهنـداب واسجـل سجلـتـي
اوراق الحمام اينوح بالصوت طربانـي
الى صـار مشغـول يهمـه غرامـه
فانا أكون مشغـول بتأليـف ديوانـي
أخترت له ما لاق لـه مـن قصايـدي
وقسمتها جزئيـن الأول مـع الثانـي
وسميتها باسـم ورثتـه مـن السلـف
ديوان العريفي بسـم أبائـي وجدانـي
من قبل نصف القرن صدري يضمـه
ا
ومن قبلها قـرن ومـن قالهـا فانـي
سجلتها من شـد حرصـي وخوفتـي
يضيعن ويفنن ما لهـن كايـن كانـي
أهديـه للـي يرغبونـه مـن الـمـلا
وأهديـه للشعـار ولكـل الاخـوانـي
ويهدى علـى جملـة خليـج العروبـة
وعموم الجزيرة بين حضـر وبدوانـي
وارجي عسى مـا فيـة شـي يعيبـه
من النقد والفاظ المعانـي والاوزانـي
وان كان به نقد فانـا اطلـب افادتـي
اعـد لـه ان كـان زود ونقصـانـي
وشكراً على من لاحظ النقـد والخطـأ
فالانسان دايم بين مخطـي وغلطانـي
ما كل من غاص البحـر جـاب دانـه
احدٍ غرق واحدٍ كسب غالـي الاثمانـي
احدٍ كلاه الحوت فـي حنـدس الدجـا
واحدٍ كسب دانـه ولؤلـؤ ومرجانـي
عساني مـن اللـي رابحيـن بكسبهـم
وصلاتي على طه النبي نسل عدنانـي
الغزل
ليت ثلاب يسكن في وطنا
ياحمام بعالي الدوح غناّبالضحى معجبه سجعـة الحونـه
ذكرنّي عشير صـدّ عناحايـل اللـوا دونـي أو دونـه
يالطيف الحشا حبك شحناوالمشقـى بكـم مـا ترحمونـه
اتوجد الشوفك واتمناوارتجـي غايبـي تلفـي ضعونـه
غبت عناّ اسبوع وامتحناكيـف نصبـر بعـام تاخذونـه
سعد ابو من ابمضنونهتهنا كـل يـوم وخلانـه يجونـه
كل ما هب نود الريح مناقلت للنـود خبـر ويـش لونـه
عقب فرقا الحبيب انحب واونالنحنا وانهصر ماحت اردونه
ويش لون القوام اللي تثنامثل موز على الساهر اغصونـه
ويش لون الجبين اللي فتنامثل براق صيف فـي مزونـه
ليت ثـلاب يسكـن فـي طناواهلـه للمشقـى ينقذونـه
ننتخب لجنة منهـم ومناللخطـا منـه كـود يحاكمونـه
قاتل النفـس عمـد مـا تأناكاتبيـن العـذاب يحاسبونـه
كان ما خفت من ربك بحنافي ذرا خالـق مـا تقدرونـه
وله قصائد عديده مهمله ومخنصره على الحروف التي بدون نقط وقد برع
شاعرنا فيها
لا رعا الله الراك ووكار الحمام
حطم المعمور واودعها همـوم
داك داكوك الهـوا والهـم دام
وهل همال الدموع اروا الكموم
الهوا الاهل الهوا طـرد الارام
المها لو لا المها مالـه اهـدوم
كل ما سار الهوا لـه للامـام
لده اللدود مـا حصـل اسلـوم
المشاكل الاجتماعية
موضوع الشباب والسيارات
من حسب وش بالمستقبل
اللي ينجح باختباره لزمـاً يشـرى لـه سيـاره
وقت العطلـة للتمشـي وزود النجـاح بدشـاره
باليمنى شريط مسجل واليسـرى فيهـا زقـاره
والموتر يمشي من حاله مـا تشوفـه بالغمـاره
جمع له جملة وقايا وصار يوايق مثـل الفـاره
عرقل جميع الشوارع ينفذ من حاره الى حـاره
اوذا الناس واوذا نفسه وسد الدروب واوذا نفسـه
وعقب العصر ادا مجهوده وراح يفحط بالزبـاره
حط الخمسه جنب الخمسه مترين وسـع الـدواره
وصفقـوا للـي بيقلـب لكنهـا قلبـة شطـاره
اللي يقلب بينقعد هـا برمـل مـا تبيـن اثـاره
احد ودوه للمستشفـى وحطـوا بيمنـاه جبـاره
واحـد ودوه الثلاجـه حتـى يجـون القبـاره
وكلم ولي أمره بالالي وجاهم واعصابه منهـاره
هذا من سبـة غلاهـم والغـلا عـود خسـاره
ومن حسب ويش المستقبل وادب ورعانه في داره
واحسن ممشاهم ورباهم يجني غب ارباه اثمـاره
لكن المقسوم مقـدر والجاهـل قصـر بهجـاره
واصحى لايستفزع بامه وتصير الدعوى منهاره
وتصادم لك حزب نازي ينفذ ما قـال بسطـاره
كل يوم حادث ومصيبه وكل يوم للسجن زيـاره
وان طلعتـه بالكفالـه خـلاك ولقـاك اغبـاره
هذا الترفيه وميزاته
بعض الناس ضعيف اراده والمعاني ما جربها
ما يظهر من شور الحرمه ولا عمره يوم ادبها
يقول اشترلي سياره ومن يوم انك تظهر جبها
شف كل الشباب يفحط بفن وخمسات يكتبهـا
وانا محروم من هذا وش هالحال اللي حنابهـا
وأمه في صفه تلالي كن الهشهاش بشاربهـا
تقسم بالله وتوعد مـا يقـدر حـي يخاطبهـا
راح المسكين وتدين وقفى بفلوسـه حاسبهـا
مشكلة الحريم والهاتف
الو وش عندك يافلانـه انـا لهروجـك طربانـه
هاتي هرج وخوذي مثله منـي والحعبـه مليانـه
الو هلا حيـاك الله ويـش ادراك انـي زعلانـه
اكلمكـم ماحـد جـاوب وعليكـم والله شرهانـه
انا من أمس أكلمكـم وهاتفكـم يركـض بعنانـه
مشغول مغير يصرصر دايـم مقضـوب سكانـه
أكلم لي نـاس مثلـك وش كلمتيهـم مـن شانـه
ربعي واصحابي واقرابـي عليهـم والله ولهانـه
وأنتي هاتفكم مايسكـت نهـار وليلـك سهرانـه
مغيـر أكلـم صدقانـي دام أبوهـم فـي دكانـه
وزوجي من يومين مسافر بالبـر يـدور ديّانـه
التهينا مـا سولفنـا وانـا لهروجـك عطشانـه
من تزوج ولاّ من طلق ومن خطب ومن عقد قرانه
وحده فاتورتها رزمه والمبلـغ يرجـح ميزانـه
الله ياشورٍ عندي لـك كانـك لشـوري مشتانـه
شوري لك بالعقل الزاكي واخلاق ان كنتي رغبانه
باكـر تجينـا الفاتـوره فيهـا خافيـه أو بيانـه
ساعات من هرج فاضي هـرج نسـوان شبعانـه
راعـي الماء راعي القرص راعي للركايب
قالها ابراهيم بن سعد يوم سـافـروا أصدقاءه لأحد الرحلات ولم يخبروه
وتشره عليهم بهذه الأبيات المتواضعه المختصره وردوا عليها بأبيات
مماثله أبونايف هو ناصر بن سعود العريفي والوكيل هو سعود بن عبدالله
العريفي ورئيس الرحله هو الشيخ عـايش بن سعود العريفي والخطيب
هو عبدالله بن عبدالعزيز بن باحص العريفي
مل قلب مثـل غصـن تلوعـه الهبايـب
كل ما هبه مـن النـود هبـاب يصـده
مع رداة الحظ بار الرفيق وصرت شايب
والصديق اللي نوده قطـع حبـل المـوده
باروا الخلان هـم والرفاقـه والقرايـب
واتحـدت وكـل بـد تناحـيـم بــده
بار أبونايف وهو عادته حمـل النوايـب
والوكيل أعرض ولاصار له عذر يـرده
الله اكبر ماكثر أعذارهم لو كنـت غايـب
كان قالوا قدلنـا نرقبـك هجـره ومـده
ريس الرحله تعذر وبعض العذر صايـب
لكن انه راضي يوم وصـل العلـم حـده
والخطيب مداهن مابذل بعـض السبايـب
كن ما هو لـي رفيـق ولا عـدى بعـده
طارد المقفين مفلس وفيـه الظـن خايـب
وان لحق بالركب يمشي وكن بالصدر غده
يوم راقوا وفكروا ثم حسبـوا الحسايـب
قالوا الشايب غثيـث علينـا منـه ضـده
نقصر الرحله علينا خصوص بالصحايب
ورفقة الشخص الاضافي ندبرها بصـده
عادة لي ما اتحـدى الرفاقـه بالعتايـب
وكل من راد التمشي يرافـق مثـل نـده
الكبار ان اشتهوني فانا صبـي الحرايـب
وان نسوني بالوطن عند محبـوب نـوده
في لهيب القيض نصبر على حامي اللهايب
وباليالي الهر مزاني نصـادم كـل شـده
راعي الماء راعي القرص راعي للركايب
قهوجي وللحطب له طويل الحبـل أمـده
ليلة الغدرا الـى ركبّـت غـر السحايـب
كل نجـم يقتدابـه فأنـا مسـراي قـده
قد مشينا مع دروب السهالـه والصعايـب
واكتشفنا كل مرج يشـوق العيـن خـده
فـرد عليه الخطيب نيابة عن أعضاء الرحله بقصيدة طويله منه هذه الأبيات
يم أبوسعد العريفي يسيـرون النجايـب
أركبوا فوق المراتب بدل عوج الاشـده
قدامكم برهوم والمرجله تعطى وهايـب
موصي ابنه على الضيف من عشيت غده
عادته ذبح الثني والرباع أمن الحلايـب
المسمن عنـد كـداد فـي مثنـاة كـده
وإن تعذر قط حلق السمين امن الحلايـب
يالله لا تـضـده ولا يــالاه ضــده
أنت لك حق علينا نحسب لـك حسايـب
بالا وصول أومر علينا ترى ماهيب هده
اومر يا شوق عـذرا تحـلا بالذوايـب
اى طاروق تريد اشـروا بالكـف قـده
صحبتك بالقلب ما شابها بعض الشوايب
واعرف انا ما نحب القلـوب المستـرده