[احمد الجريفاني]

شفتك معه تمشون بالسوق واغضيت=وذكرت حب بيننا كان عذري
والله لو تدرين وش عقب سويت=ما طاوعك قلبك على شيل وزري
انتم تعديتوا وانا ما تعديت=عجزت اسير وضاقت الارض حدري
انتي حسبتيني نسيتك وقفيت=وانا همومي ثايرات بصدري
عادت بي الذكرى لوقت تناسيت=يوم ان حبك داخل القلب يسري
ايام فيها حبنا عالي الصيت=لا واحسايف حبنا ضاع هدري
نسيت وقت فيه تفتح لي البيت=وتبدأ تهللي يا بعد كل عمري
نسيت قولك يا بعد حيِّ و ميت=عاهد واعاهد لا يجي منك غدري
ومديت لك يمناي واقسمت واثنيت=اني ما خونك وانت بالحال تدري
وعاهدتني واخلفت وانكرت واشقيت=وانا احسب انك عارفٍ ويش قدري
يا ما على بالي ودنياي عزيت=وياما فديتك باجمل ابيات شعري
ياما من ابيات الغزل فيك حطيت=اصور انك ناوي يوم هجري
ظني صدق جاني خبر ويش سويت=انت برضاك اظلمت فجرك وفجري
لا تعتذر وش فايده لو ترضيت=عمر الهوى لا فات ما فيه بدري
ولا تبدي دموعي الندم والتناهيت=وانت السبب باللي جرى لك ويجري
كان انت مستانس انا ما تهنيت=يشهد على شكواي دمعي وسهري
وان كان حظك جاب لك ما تمنيت=انا حظيظ بزود حلمي وصبري
يللي على حبِّ عزيز تعاليت=لا تذرف دموعك على جال قبري