[الطائر المهاجر]

من كان يبغى يعيش عيشه سعيده=يخلّي الكره والحقد ماظن يفيده
يصير طيّب يفعل الخير دايم=ويقنع برزقه لو تدنّى رصيده
يمد رجلينه على قد لحفه = ولا ينظر اعلى منه امن البديده
امراضنا دايم نتيجة نفوسنا = وطموح عالي مابيدنا نصيده
ننظر لمن حصل الجاه والثراء=ولا ندري وش مصدرثراه وحصيده
احد على الممنوع يبني تجاره= وآخر حرامي لو تذلل لسيده
وآخر حلالٍ مرزقه وين ماراح= يكدح ويتعب بالظروف الشديده
فاللي حرام مرزقه لو اغتنى= وموّت ضميره يوم ربك يصيده
يبلاه في نفسه واهله والضنا= وبالآخره بالنار يصلى الوقيده
واللي حلالٍ مرزقه ما يتحسف=ضمير مرتاحٍ بدنيا سعيده
فلا تغرّك الدنيا وربع المهايط=مدّاحة بالوجه اهل المكيده
وخلك مع اللي يعرف الله دايم= صادق نصوح ولا يبي ما يفيده