كل عام وانتم يالعرب منتم بخير= ما دام فيكم من يتاجر بدينه
يجي رمضان ويرتحل دون تفكير = باسباب فرضه يومكم صايمينه
ما تدروا انه وحدةٍ تقهر الغير= من كل عادي جدودكم هازمينه
حتى دخل فيكم بخبثٍ وتدبير = وصرتوا عجينه لينه في يدينه
اغنام تتناطح بروس ومواخير= والذيب يفرسها وهي من تعينه
حتى غديتوا مطمعٍ لاضعف الطير= ترجو الحمايه من عدو وامنينه
الجهل يحكمكم بكل المشاوير =وكل بقلبه ضد الآخر ضغينه
متى على الله يبتدي بعض تغيير= وتصحو من الجهل الذي مشترينه
بدينٍ صدوقٍ لا نفاقٍ وتغرير= بقلوب فيها الطهر فيها السكينه
دين اعتدالٍ لا تطرف وتكفير = وتشكيك ف المسلم وعقله ودينه
دينٍ يجمّع ما يشق الطوابير= باوصاف تصدر من عقولٍ مشينه
دين احترام الغير في كل تنظير= والله يحاسب من خرج عن يقينه
تبنون امه ماخذه بالمحاذير= باعداد قوه بالعقيده حصينه
يحسب لها العادي حسابه بتقدير= وتخشى لقوتها جموع الرطينه