وش ترتجي من شعب ياكل من يدين الاجنبي=يزرع ويطبخ له وهو متبطحٍ مثل الضراوي
ولا من خلى جيبه اخذ قرضٍ ولاهو يحسبي= ويمكن على اهله عالةٍ في كل شي من غير ياوي
ولا من سمعته بالمهايط قلت ذا شيخٍ ابي= كشخه ورزه تحتها تلقى التخلف والبلاوي
مركبه فكس آر وصك اعسار معها مختبي= ومن قصر الى قصر يطر ويعتبر نفسه نداوي
ياناس هذا مخالف لامر الولي وامر النبي= وين القيم وين الشهامه والرجوله والهقاوي
ياحيسفا يااحفاد امه للكرامه تجلبي= منتم عرب انتم نتاج الغرب غير العقل خاوي
الناس تتقدم وانتم للورا شيب وصبي = يالعنبو نفطٍ جعلكم بين رعيان وشاوي
ما عندكم الا صراع الطائفه والمذهبي = والدم يجري والعدو في تفرقتكم دوم غاوي
لنتم صنعتم للسلاح ولا لديكم مخلبي= والجرح ينزف ما لقى جراح للعله يداوي
يا عل هالغمه بيوم تنجلي ياليعربي = وتدرك بان الوضع واضح مايبي هرج وفتاوي