هنا سوف انتقي ما اراه يتوافق مع البيت التالي للخلاوي وهي ابيات فيها الحكمه لمن اراد ان يستفيد :
شعرٍ يموت وصاحبه حـي مـا فنـي=وشعرٍ يعيش بحد ما عـاش صاحبـه
ــــــــــــــــــــــــــــــ ـــــــــــــــــــــ
من شعر
حميدان الشويعر :
والذي يرتجي الفضل عند اللئام=مثل مستفزع صاح في مقبره
احترس من سهوم القدر بالحـذر=وانت مالك عن اللي لك مقـدري
كل من كـان قبلـك بيـوم وليـل=شاوره والعلم عنـه لا تقصـري
لا تضم الذي مـا تربـي الحـلال=اغبر طبعهـا والزمـان اغبـري
لا تضـم الـذي طلقـت مرتيـن=يوم يطري لهـا طـاري تنكـري
لا تضم الذي مالهـا مـن تهـاب=خبلـة هبلـة مـا لهـا حاكـري
المره كنها الشـاة بيـن البيـوت=يطمع الكلب فيها ولو هـو جـري
سود الليالي مـا دري عـن بطونهـا=يمسـن حوامـل ويصبحـن وضـوع
انا ادري بعلم اليوم وامس بما جـرى=وباكـر بغيـب والامــور وقــوع
وانا احب جلوسي عند حـي يفيدنـي=ولا ميـت مـا فـي لـقـاه نـفـوع
وانا احب قعودي عنـد قـوم تعزنـي=لو كان فيهـم مـن صليـب طبـوع
وانا احب نومي جوف غيـن دوالـح=الـى ايتفـى ظيـم بهـن وجــزوع
ولا ديـن ديـان ولا ظـلـم حـاكـم=يجـور ولا يعـذل علـيـه خــدوع
وانا في السما وعدي ورزقي ومطلبي=ماهوب فـي صبخـا مراغـه جـوع
فترى يا ولدي من ثمن الخوف ما سطا=والانجاس مـا خلـوا سبيلـك طـوع
تبغـون جـذرات المنايـا تـزورهـا=الاجـال مـا يقـدر لـهـن دفــوع
فلا يلـزم القـالات مـن لا يشيلهـا=ولا تحمـل ارقـاب الحـريـم دروع
وترى المقابر نصفهـا مـن حريمهـا=لو كان فـي وسـط البيـوت منـوع
الاموال ترفع مـن ذراريـه خانسـه=والقل يهفي ما رفـع مـن مغارسـه
وترفـع رجـال بالموازيـن سلمـ=تالى نقص من يم الحصا عاد ناكسـه
وكم ترفع الاموال من فـرخ باشـق=تعلـى علـى حـر بكفيـه فارسـه
الى مات من نقالـة الحكـي واحـد=الى ظاهـر تسعيـن ممـا يجانسـه
تموت الافاعي وسمها فـي نحورهـا=وكم من جريس مات ما شاف جارسه
اهل البدع كم فسـدوا مـن عشيـرة=خلوا منازلهـم مـن العـز دارسـه
بالناس مـن يوريـك ريـا صداقـه=وهو آخذ سرك ومـا قلـت بالسـه
لاتامن الدنيـا ولـو زان وجههـا=تـرى رميهـا للعالميـن جـفـان
كم غيرت من ملـك نـاس وبدلـت=مكـان لنـاس غيرهـم بمـكـان
انا يا ولدي جربـت الايـام كلهـا=ما كبر من عظـم المصيبـه هـان
حبال الرخـا تـورد ميـاه كثيـرة=وبالضيق ما تـرد الخـدود قـران
فـلا مطلـب العليـا بيدنـي منيـة=ولا زادت ايـام الـرخـا لـهـدان
انا اختار نومي فوق صوانة الصفـا=ولا جـودري فـي بـلاد هــوان
ولو صار شربي ما هماج مخالطـه=حنظل وانـا لـي بالمعـزه شـان
من يا من الرقطا على الساق نـادم=ومن يامـن الضـد القديـم يهـان
عـدوك لـو خـلاك يـوم مخافـة=فهـو مسـرج للمولمـات حصـان
فلا تغذي سرحان ولا تدني مبغـض=وايـاك والطمـع الزهيـد تــدان
ولا تحتقر بالـدار راعـي خيانـه=كـم شالـوا أولاد الحـرام هـدان
محى الله من يزرع على غيـر عيلـم=ومـن كـان يبنـي بالهيـار جـدار
ترى الاصل جذاب على الطيب والردى=فـلا شـك نـق الحـب يـا البـذار
والذي ما يراعـي لنـو الجميـل=والقبيح اصغره مثل ذنب اكبـره
والذي يبصر العيب في صاحبـه=والى بقى فيه بالعين ما ابصـره
ذاك اعـوذ بالله مــن حـالـه=ما يثمـن لـورده ولا مصـدره
مثل من ودع السد هـوج النسـا=من ردى راي بصير قد استبصره
واقبح الناس مـن كـان ميعـاده=كلمـا قلـت ترمـه دنـا وخـره
ترى بالعذارى سواة المهـارى=جنان تجارى على الشوق دايـم
وفيهن ملايـح وفيهـن كلايـح=نسمهن بوجهك سواة السمايـم
ولا تحسب الخير درب الفسـاد=وولف البواغي وركب الجرايـم
ووصف المحابس وزين الملابس=وكبر العصايب وكسع المحـارم
ترى الخير في راسيات الجذوع=الى دلبحـن السنيـن الحطايـم
غنيـن ظليلـه يطـرب مقيلـه=وسمعك تمتع بصـوت الحمايـم
تحفظ حلالـك وتفـرح عيالـك=ويكثر نوالـك بيـوم الصرايـم
بهذا الزمـان يبيـن الصديـق=الـى بـار فيهـا ردي العزايـم
ومن لا يميـز صديقـه وضـده=فهو ثور هور يبي لـه ردايـم
فما كل من ينفخ على الكير صانـع=ولاكل من يركب على الخيل فـارس
ومن لايصون النفـس عمـا يدنـس=ويازي لثوب مشـرف العـز لابـس
تهاون بقدره كل هيـس مـن المـلا=جهار وكـلٍ لـه باالاقـدام دايـس
الـى عـاد ماللقلـب يـوم منـادم=فله في غريب القيـل خـل موانـس
فلااظن من يصبر على الهون والردى=ذهين ولو زولـه للالبـاس تـارس
ومن للغبن يرضى فهو صار كاالذي=لسهم الافاعي باالتجاريـب لاحـس
ومن لايصون النفـس عمـا يدنـس=ويازي لثوب مشـرف العـز لابـس
تهاون بقدر كل هيـس مـن المـلا=جهار وكـلٍ لـه باالاقـدام دايـس
الى عاد طير الحر في منـزل الحـدا=وفيه العقاب امسى له الرخم فـارس
دنياك هـذي لـو لحـي تزخرفـت=ولو فرشـت ديباجهـا والسنـادس
صيـور ماتـازي ويـازي نعيمهـا=الى حفها حكم الولي طيـف ناعـس
واحـذرك مشيـر غـشـاش=وانظـر عيـنـه وحاجبـهـا
واحـذر بالاصحـاب بطيـنـي=وده بـيـر يرمـيـك بـهــا
واحذر عـن بنـت العشريـن=لـيـا الـقـراي يقـاربـهـا
لـو كـان يقاربـهـا عـالـم=لزمـا يشـرب مـن شاربهـا
من جاد سمته جاد في هذا .. و ذا ..=و المرجلة .. ما هيب ورث تحجـرا
تسلسلوا من ( نوح ) .. جـد واحـد=حر ،.. و عبد ،.. و الردي البيسـرا
تلقى الجماعة .. من شجـرة وحـدة=و طبوعهم .. مختلفـة .. الله قـدرا
يطلع بهم .. خطو الكـذوب المـارج=غوج ،.. و لو جود عنانـه يطمـرا
ومن الجماعة : شايـخ .. متشيـخ=و كل النوايـب يتقـي عنهـا .. ورا
إلى مشـى بالسـوق .. إلا ملـوذع=عن خاطر .. يقضب قطابه مـا درى
و من الجماعـة حامـل .. متحمـل=ما فات يوم .. ما لضيف .. ما قرى
كل من لفى من ضيف .. دور بيتـه=و هو سواة العد .. يرد ،.. و يذكـرا
ومنهم .. سواة الديك .. رزة عنقـه=مـا زان لـه زول .. بفعـل يخبـرا
ومن الجماعـة كالضبيـب المنتفـخ=متبختر .. يسحـب ثويبـه مـن ورا
كن الضعيف .. شايل .. سبع الطبق=هو ما درى انه .. خف الريش الحمرٌا
يتبع ....
هذا الموضوع لم ينتهي بعد
ارجو تأجيل الردود لما بعد الإنتهاء وفتح الموضوع