مع جعيثن اليزيدي
والاعمار ما منها جديد كما مضـى=وما فات منها قد مضى غير عايـد
فعش طالب العليا فما دمت مجتهـد=ولايدرك المطلـوب مـن لايجاهـد
مع
ابي زيد الهلالي
لابد عقب الوقت من لايـح الحيـا=من بارقن يوصـي سنـاه لمـوع
لابرقـن إلا فـي حجـا مستهلـه=ولا طرقـي إلا مـن وراه نجـوع
ولا ضحك إلا البكـا مردفـن لـه=ولا شبعـة إلا مقتفيهـا جــوع
ولا يـدن إلا يــد الله فوقـهـا=ولا طايـرات إلا وهـن وقــوع
مع
علي بن ظاهر الماجدي
ولا تأمنـن ّالدّهـر يدنـوا مذلّـه=وقوم عتّا إلا جايـر الدّهـر بادهـا
ولا تيس الأرض الكسوح من الحيـا=فكم داثر الوديـان سيّـل عتادهـا
ولاتيّس أرواح المراضا مـن البـرا=ولا الصّح ينجيها إلى جـا نفادهـا
ولاييّس الرجل الفقير مـن الغنـى=ولا رحمـة المولـى إذا الله رادهـا
ولاتيّس العين الرّمود مـن الكـرى=تسهي ويحلي نومها فـي رقادهـا
ولاييّـس القنّـاص وإن ذار صيـده=فربّت يجبهـا مستريـح اوصادهـا
ولا تأمننّ الذيب وإن طـال غيبتـه=يجي والوهانا ذايـد النّـوم زادهـا
فللكلـب نومـات وللسّبـع سريـه=على الضّان أخفى وانتقى من مدادها
مع
حمد الغيهبان المري
لا جاك من بن عمـك / أول زلـه=أحذر من الـزّلات وأحذر=تجهلـي
لا جاك من بن عمك / ثانـي زلـه=عرضه على العقّال كأنـه يعقلـي
لا جاك من بن عمك / ثالـث زلـه=أبعد ضعونك عن ضعونه وارحلـي
لا جاك من بن عمك / رابـع زلـه=فعرضه على حد الحديد المصقلـي
الحوض لامنه كشف عـن غطاتـه=كلٍ على جـال القليـب بيـد هلـي
انا بليـت بخبـرةٍ لـم يخلقـوا=الا لسبـب شقاوتـي وعنائـي
ابليس والدنيا ونفسي والهـوى=وين النجـاة وكلهـن اعدائـي
وتـرى صبـي مـا يثمـن قولـه=يعد من صفـر العيـون الهزايلـي
مع
رميزان بن غشام
موت الفتى موتين موت من الفنـا=وموت من اخلاف الذراري جدودها
يا حيف ياشـم العرانيـن خلفـت=اراذل عميان تبـي مـن يقودهـا
ليت الذي حدر الثـرى فـوق الثـرى=وليت الذي فوق الثرى فـي لحودهـا
من مات ما أرَّث في ذراريـه مثلـه=فهو مثل نـار جـرَّ عنهـا وقودهـا
يتبع .....