مع محمد العبدالله القاضي
هيهات من يسلم من الشوم واللوم=رضا الناس فيه غاية ما ترامـي
ما ذكر مخلوق عن العيب معصوم=إلا الذي ظلـل عليـه الغمامـي
كم واحدٍ حده طغا الجهل والـزوم=حتى شرب بالكره كاس الحمامـي
كم ساريٍ في تالي الليل منجـوم=اصبح بصحـاح بعيـد المظامـي
حذراك خلان الرضا عدهـم قـوم=مروك ما ردوا عليـك السلامـي
كم جامع مال وهو منه محـروم=سلط على ماله عيـال الحرامـي
لا تكترب يا بايت بـات مهمـوم=ترى الفرج عند اكتراب الحزامـي
لا شك ما يكتب على العبد بالكـون=يجري قضاه وكل شيء لـه أسبـاب
الصبـر محمـود العواقـب فعالـه=والعقل أشرف ما تحلت بـه الحـال
والصمت به سرٍّ سعـد مـن ينالـه=والهذر به شـرٍّ وشـومٍ وغربـال
وأشر آفات الفتـى البخـل بمالـه=وأشر منه المطل في كل مـا قـال
ولا خير باللي مـا يصـدّق مقالـه=فعـلٍ بحـالاتٍ طويـلات وقصـار
والرجل بالواجـب لسانـه عقالـه=لا قال علمٍٍ تم لو حـال بـه حـال
ولا يفتخر من جـاد جـده وخالـه=هي بالهمم لا بالرمم مثل من قـال
فالجمر يمسي كالخـلاص اشتعالـه=ويصبح رمـادٍ خامـدٍ مغبـرٍ بـال
فالصاحب الصافـي تِحِمِّـل خمالـه=يلزمك وإلا الضد حِدّه علـى الجـال
واصحا ترى طـرد المقفِّـي عذالـه=يتعبك والمقبل عطه وجـه وإقبـال
ومن يفشي أسراره وقع بالجهالـه=عطا العدو زمام عقله وهـو عـال
وترى
ذهـاب الذهـن عشرتـك لاحمـق=يجوّز طغى جهلـه علـى حلمـك الوافـي
وترى عذل من لا يرعـوي لـك جهالـه=كما وصف من ينفخ بكيـرٍ وهـو طافـي
ومن اغتنى باريـاه عـن شـور ناصـح=تندّم ويِكشف لع إلـى شلـف مـا عافـي
ومن خاطب الجاهل فهو مثل مـن كشـف=وجهه وقابل شعف عاصـوف الأصيافـي
ولا تبـدي أسـرارك لـمـن لا يـسـرك=ترى أكثـر نصاحـك يريـدون الإشرافـي
ودمـار العـمـار بــدار ذلٍّ مقـامـك=ولو تربة أرضـه تِنبـت اللولـو الصافـي
وبالعـز لـو فـي راس حـزم تـرومـه=لكنـك فـي جنّاتهـا مـرغـدِ غـافـي