احساس من نبـع الوفى كزني كز=ونضمت قافي مـن بديع ومجازي
وفكري على جزل القوافي مـركز= في بحر فكري راسيــه برتكازي
وقلبي مثل حر ٍلصيده تحـفز=من كف قرمٍ طالع الجـول قازي
قافي بنيته مـن بحوره مجهز=عدٍ عليه الخور دايم تكـازي
امدح اللي بصيتهم دوم اعـتز=اصل الحضاره اقولها بعتــزازي
ياجاهل التاريخ اعطيك موجز=قولٍ صحيح وللحـقيقه مفازي
حقيقة منـها التواريخ تكنز= حويطات ما فيهم جهــول انتهازي
لا غارت اركاب وخيل تجـهز=وسيوف تلمع مثل حـد القزازي
نعمك بالحويطات والجيــش يلتز=وخيلٍ تدك الارض سهل وعــزازي
حويطات يا عزي على المجد تركز=صقور الحرار ما خلطهم نشــازي
ارداهم اللي لرووس الابطال تــغتز=من فعلهم شابت عقولٍ اركــازي
ياما اكرموا ظيفان ويا اطعموا عجز=يغنوا بطيب النفس من به عــوازي
وحصن الكرامه من كرمـهم معزز= مايدوس في ارضه غشــيمٍ وغازي
طلقين الايدي مكرمين المعوز=وشنعين بلقانا على كــل طازي
نتعب اركاب الطيب في واحـة العز=وترسوا بنا العزه ع رووس النــوازي
للمـــعتدي نـار ولهـيب يتـمزز=ونطلي اعدانا طليها عـن النحـازي
نعمك بالحويطات للطيـب تنـجز=بالمملكه وفي مصرهـا والحجازي
جمرة عضا لعيون الانـذال تخـرز=نارٍ عليهم وزايد النار كـازي
الطيب والنوماس لحويط طـــرز=عباة عز من الفخر بكتنـازي
وصلاة ربي عد مارعودهـا ترز=وعداد برقٍ في دجـا الليل نازي
على النبي العدنان للكـون انجز=درب الصواب فيه نعم المفــازي
للشاعر / فرحان العمامره الحويطي