[عمر ال شيبي]

المشاركة الأصلية كتبت بواسطة الطائر المهاجر

من لا عرف للحب باول شبابه = ما ظنتي يعرف اذا صار شايب
ومن لاتنقّى مهرته في نجابه = لا من كبر شاف البلا والمصايب
ومن لاحكمه العقل مابه طبابه= يعيش مثل الغصن وسط الهبايب
في وقت فيه الحب مثل السحابه= مرٍ عليك ومر عند الغرايب
ترى العذارى كالمعادن مذابه = شيٍ نقي وشي فيه الشوايب
وترى العذارى والفواكه تشابه = البعض مر وبعض كالشهد ذايب
ومن ضحك لك بلسان فيه الذرابه= يضحك لغيرك من جموع الحبايب
تراك في وقتٍ كثير الذيابه = فكم ذيبةٍ تخدع بسمر الذوايب
تدور على بيتٍ وضوحٍ عيابه= فالبوم يسكن في قديم الخرايب
ولا تنخدع باللي الديانه ثيابه= من شاف لبسه قال ما به معايب
ساتر كفوفه ملتزم في حجابه =ولا من تتبعته تشوف العجايب
فالدين وسط القلب يعلي ركابه = ماهو نفاقٍ لاجل بعض الكسايب
ولا تنخدع بالأصل لو له مهابه = فالنار ترمد بعد جمر ولهايب

الله هالله

روعه روعه حكم وتصوير لا هنت صح لسانك

جتنا العلوم اللي عليها الصبابه = معروفة العنوان مثل السحايب
فوق السما تصوير وضح النقابه = كن الاصل والزيف عملة سكايب
ون كان قلت العشق فتنه ونصابه = يا ما حلا النصبات عند الحبايب
فالذيب يبعد عن حليل القرابه = والرد لسنه والطرايد نصايب
لكن حكيم القول عنده اجابه = مثلك رحيب القاف يمسك عطايب
لن خيروك بزين دور رطابه = وسال عن المرسات رمي النجايب
هذي نقايا الخير علمي صوابه = ما هي بسرايا حين قلتم عجايب
مستفحله بالعين صوب الرغابه = لا جت بروق الراس صدّر رحايب