ياعود وشبك اقشر ومالك اخلاق = علام ماتترك العالم واساليبها(الطامي
احدِ اسلوبه جٍدي واحد نفاق = واحدٍ وقع واللي سلم من الاعيبها(الطامي
والله اني مجنب للقشر والشقاق= مير انته رفضت اليوم تجنيبها(الطائر
مدور للقشر مع الصحب قبل الرفاق=كل يوم تعلق في جلابيبها(الطائر
ظني انك بلوشي جيت عبر العراق=ماضبطت اللغه تجهل تراكيبها(الطائر
احلم احلم ياعودٍ معتلي البراق = همتك عاليه وارجيلك تخيبها(الطامي
ول عود هكيبه بار فيه الفشاق = والضواري تحده ماعدت ذيبها(الطامي
مابقى معه كون الحلم والشهاق = ويتحسر على ايام صعب تعريبها(الطامي
كان تبغى يميني وانت عليك الطلاق=بنت ابليس خافت يوم ترمي بها(الطائر
جابت اللي يعاون دون مهر وصداق=كود توقفك ما تمخش علابيبها(الطائر
ويوم شافتك جازم ماتعرف الوفاق=حطت الرجل تبحث عن رعابيبها(الطائر
ربي ان استغفرك من كلام معاق = وانت ياعود ارجع علي وتصيبها(الطامي
ماعملنا النذير الا لكره الشقاق = عل تاجد من يفهمها قلبه لبيبها(الطامي
ثم فيما بعد هذا كرت احمر فراق = كان عاد الخصم عدنا وانت نحريبها(الطامي
اشهد انك بخيص يوم بعت العناق=عارف كيف تمشي ترفد صحيبها(الطائر
بخصك اللي اعرفه جاك بعد احتراق= يوم تلعب بك الغنمان ترهي بها(الطائر
الله اللي وقاك من الغبش والفتاق = يوم انقذت روحك من طواليبها(الطائر
احمد الله على التوفيق وقل الاشتياق = ياذنوب كثيره كيف نحصيبها(الطامي
اسأل الله يغفر الذنب يوم التلاق = ويتجاوز عن ذنوبي ويستر لي عيبها(الطامي
شاب قاف يعالج كل امر مطاق = والفطاحل تحارب من يوذيبها(الطامي