قصة بلا عنوان:)الجزء الثالث 3
نكمل قصتنا ================ دخل صالح وهو ضايق على محمد وكان وجهه فخاف محمد وقال في نفسه بس فهم الموضوع غلط عزالله الي رحت فيها شوي ألا وصالح يتكلم ويقول : محيمد ياخي لاتلعب في النار قاعد أشبها وأزينها وتلعب فيها يمال والله العصى محمد : أف ياشيخ الحمد الله حسبتك ضايق لشيء ثاني صالح : وشو محمد : لا مافي شيء وش اخبارك بس صالح باستغراب : الحمدالله ============================== ====== في بيت أبو صالح كانت نورة جالسة تفكر بهذا الشيء وهي تتنفس بشده من أثر الجري والخوف والتوتر من الي حصل وكانت تقول في نفسها ياالله هذا محمد الي يتكلم فيه أخوي صالح دايم أثره في المجلس وأنا مادريت بس تدرين يانورة أحسن صدفه على الأقل أعرف شكله وأحسن شافني علشان يقتنع أني ماني زينه ولا يفكر فيني ألا وهو قانع موب كل يوم يتميلح في التلفون ويسوي نفسه ذرب (سبحان الله البنات دائماً يحقرن أنفسهن ولايرين أنفسهن جميلات ولا أدري حياء أو أنه عدم ثقه <<هذا الكلام بين القوسين من كلامي أنا ماله دخل بالقصه بس حبيت أعلق على هذي النقطه ) ============================== ======== محمد طلع من عند صالح وراح البيت دخل البيت كان أمه وأبوه نايمين ولم يجد أحد صاحي ألا أخته ناديه جالسه على سريرها وجالسه تذاكر والنوم يغالبها ========================== محمد : مساء الخير ياعصفورة ناديه : أقول رح الله لايمسيك ألا بمثله خخخخخخخخخخ محمد : حتى وفيك النوم ماتخلين الخبال مالت عليك ناديه : أحترم نفسك ولا علمت أبوي وأمي عن نورة أنك..... أسكت ولا أعلم ولا تحترمني محمد : مالت عليك باحترمك بس ساعديني ناديه : وشو عليه يالأثول محمد : مسموحه يا اخيتي ابي أقول لأبوي أبي أتزوجها وش رايك ؟؟ ناديه : كم تدفع يابابا محمد : خلاص يابنت الحلال ضفي وجهك أبيك تساعديني وأنتي ماخذه الموضوع هزل ناديه : تعال يا أوخيي والله أمزح خلاص أبشر وأنا بنت أبوي ابشر بالفزعه يالأطخم محمد : الوعد بكرة أخلي كل شيء عليك أبوي يحبتس وأنتي بتقدرين تقنعينه ناديه : أزهله والله لو أضطر أعلم خويتي وعد العبدالله تكتب قصيده لأبوي فزعه معك خخخخخخخخخخخخخخ ============================== ========= في الصباح جلس محمد وأبوه وأمه على الفطور بيفطرون ألا جت ناديه ومكتمه وساكته وشوشتها طايره وجلسوا يفطرون ==================== ابو محمد : وش فيتس ياظناي عسى ماشر ناديه : مايجيك الشر ياشنب (وهي تلتفت من تحت لتحت لمحمد وتغمز له ) ابو محمد : وش فيتس طيب ناديه: مافيني شيء وتبدأ بطق العبرة وشوي وتشاهق وتصيح وتقوم من على الفطور لحقها أبوها وأمها تقول خلها ذا الدلوعه لاتهمك خلها تطلع مرة موب كل بكية تبكيها بريال ووقفت ناديه برا في الحوش وأبوها جاء يمها أبو محمد : وش بك يابنيتي عسى ماشر؟؟ ناديه : شفت رؤيا يايبه يموت فيها أخوي محمد أبو محمد : أفا لا أن شاء الله فال الله ولا فالك ناديه: ودقيت يايبه على الشيخ وقال هذي الرؤيا تفسيرها إن محمد الي بالرؤيا إذا ماتملك على وحده أسمها نورة أخت صديقه خلال شهر راح يموت أبو محمد : لا تعلمين أخوك أكتمي الموضوع لين نخطب له البنت مفهوم ناديه : مفهوم يبه ====================== دخلوا وناديه تضحك وتبتسم وتغمز ومحمد طقته أم الركب داري أن أخته خبلى ويمكن جابت له مصيبه وهو مايدري وأبومحمد يشوف محمد من تحت لتحت بعيونه ويقول في نفسه لاوالله ياولدي مانخليك نزوجك عسى الله يحفظك ======================== نوره كانت تفكروهي ماسكه الكتاب تدرس بس غرقانه في الهواجيس وتقول في نفسها ياربيه تصدقين يالنوري أنه عاد مملوح وش حليله كنه بس البدر ليلة اكتماله ماشاء الله عليه الله يحرسه شوي ألا أمها داخله عليها ======================= أم صالح : نوري وش قاعده تسوين ؟؟ نورة : هاه أم صالح : من قال هاه سمع وأنا أمك نورة : لا والله يمه ماسمعتك كنت قاعده أذاكر أم صالح : والله يابنيتي أصايح ماجاب حلقي ولا سمعتيني كل هذا مذاكرة نورة : والله ماعليش أختبار صعب ومركزة ولا سمعتك يمه سامحيني أم صالح : ماعليك يابنيتي عارفه عسى الله يوفقتس وأوخيانتس والمسلمسن أجمعين قادر ياكريم ============================== =============== محمد جاء لصالح وقاله بصراحه ياصالح أنا أبي أخطب أختك قام صالح ماصدق من الفرحه لأنه يعرف محمد رجال بمعنى الكلمه قاله أبشر بس وش المطلوب يعني يوم تقولي قال محمد: أبي ...أبي ....أبي أشوف أختك بصراحه صالح : وشو محمد :لاتستغرب اشوفها وهي ماتدري علشان لو هونا لينها ماتتأثر نفسياً تصير كأني لا جيتها ولا شفتها وقعد محمد يشرح له أحاديث رؤية المخطوبه والي كان محضرها في ذهنه قل لا يجي علشان يعالج أي ردة فعل راح تحصل أقتنع صالح صالح : محمد طيب وشلون بخليك تشوفها محمد : نادها وأطلب منها ماء وأنا بجلس في النافذة أشوف وهي ماتدري أني هنا والدليل من يوم دخلنا مع بعض وأنت مادخلت البيت وأهلك مايدرون أني معك صح صالح : صح طيب بناديها خلك بالنافذة وتخبى ورى الستاير محمد :طيب ياأحلى أبو نسب بالدنيا صالح طلع برى وبدأ ينادي صالح : يالنوري ....يالنوري ....يالنوري نورة : طاط طاط أفتح الخط أووووووووووووووووووووووووونطله على البيبان وخر عن الطريق لاأصدمك وتفتر نورة من عنده كنها تفحط نورة :وش تبي يا ابوصلوح صالح : مالت عليتس ولا لقيتي تنجنين ألا اليوم وكل يوم وأنتي هاديه وعاقله ورزينه نورة : يوم لك ويوم عليك خلني أرفه عن نفسي شوي وش تبي ياابوصلوح صالح :أبي ماء الله لايهينك نورة : أوووووووووووووو ونطله على البيبان (وتزاعق بصوت عالي)واحد مويه للمعلم وصلحه لأحلى معلم أبو الصلح باشا ============== دخل صالح على محمد ولين محمد مخقخق ومتعلق في النافذه وفاق ثمه ويلتفت على صالح وهو ============ صالح : تراها والله ماهيب كذا تراه عاقله بس اليوم شكلها شايفه البارح شيء مسلسل فيلم مصري مدري والله لكن البنت ماهيب صويحيه اليوم ولكل جواد كبوة محمد : أقول لبى قليبك يابو نسب أمووووووووووووووووووت في الخبال هذا لعنبو ابليسك هذي الي ابيها خلاص ما أبي غيرها مانيب مانيب أبي أختك يابوصلوح صالح : أقول أحترم نفسك ياحيوان ترى غيرتي ماتتحمل زي كذا كلام مالت عليك خلها تجي في عهدتك وقل الي تبي كش عليك رجاجيل آخر زمن محمد : (يقول في نفسه) لا أبو أبوك على جدك يالخكري قسم بالله علشان ذا الوريده المفتحه ولا أنت خكري ماتسواي جناح بعوضه بس ياله وش أقول لعل عيالي ينزعهم عرق من جدانك بعيد من دون عرقك يالحول صالح : وش بلاك تضحك مالت عليك محمد : أبد من الفرحه بنسبتك يالغالي ============================== ============================== ======== رن رن رن رن رن رن رن <<<<<جوال محمد طالع على الشاشه نونه المجنونه تتصل بك محمد : الوه يالله مسا خير من دون خبال ناديه : مالت عليك هذا جزاي أتصل بك أشوف وش سويته محمد : كل خير ان شاء الله ناديه : لا لا صدق عاد يامحيمد خقيته مع البنت حلووه صح أعترف بسرعه ولا خربت الي صلحته لك محمد : لا والي يرحم والديتس خلي كل شيء على حاله ناديه : طيب تكلم وعلم أوخيتك وش صار ياغزال خخخخخخخخخخخ محمد : شفته ورحت في خبر كان هاه ارتحتي ناديه : لا ما أرتحت بس كان ودي داقه عليها ومخربه عليك خخخخخخخخخخخخ محمد : أف يالنذله لها الدرجه ناديه : لاتصدق أمزح معك وأنا أقدر أسويها مع أخوي حبيبي ولا أقولك وش حبيبي ياحبيب النوري هههههههههههههههههههههههههههههه هههههه محمد : طيب أوريتس يالدبا طوط طوط طوط طوط <<<<<<<<<سكر محمد السماعه في وجه ناديه ============================== ===================== وراح وخطب محمد البنت ووافقت وتزوجوا وعاشوا في نعيم وسعاده بصراحه ماعليش يا أخوان وياأخوات لكن عجزت أخلصها لأني مشغول فكري في أشياء كثيره ولكني كملت لين وجدت محل يصلح للوقوف فيه وانهاء القصه فتوقفت وأوعدكم أن شاء الله بالتميز في القادم وأعذروني في القصور عن المستوى المطلوب هنا ذيب السنافي