المجتمع لا صار مغلق من سنين = مثل المريض اللي يبي من يداويه
يعطى الدوا جرعات في كل تقنين = ولا زاد لا تامن يسبب بلاويه
يحتاج اعدادٍ قبل اي تدشين = تغيير او تعديل ممشى خطاويه
ودام المناهج بين حفظ وتلقين = تنتج لنا جيل الفكر ما يقديه
يلقى به العادي وبعض الحقودين= اداة إضرار لدارٍ تثبيه
لابد من تعديل ينتج فطينين = يطلع بهم جيل اختراعه يعليه
ينفع به بلاد العرب والمسلمين= ونرد عادي ممعن في تحديه
وما دام ملبسنا يجينا من الصين=والاكل يجلب من عدوٍ نداريه
فواجب نصنع مانبي دون تعيين= وشباب عاطل يشتغل ما نخليه
نهضه صناعيه بكل الميادين= بايدي شباب ناجحٍ في مساعيه
وتعطى المهمه للرجال الميامين=من كل امين مخلص في مغازيه
واللي يتسلق يمدح الزين والشين= يشك باخلاصه وما كان ناويه
هذا هو التغيير ياللي حريصين= لابد نبدا فالزمن بان خافيه