هلابك .. كثر ماكنت ارتجيك .. وكنت بك مغرور
هلابك .. كثر ماصاب البَخَتْ حزني .. ولا صابك
هلابك كثر تقليب المواجع .. والسهر .. والجور
كثر مازارني وجه الفراق .. بوحشة غيابك
هلابك .. كثر ماكنت المدائن .. والشُرف .. والدور
كثر ماملّت يدين انتظاري.. تطرق ابوابك
هلابك .. من ثلاث سنين .. أرددها بدون شعور
ليا حلّ المسآ .. قلت المسا جابك.. ولا جابك
علامك ؟؟ علّ ماقلبك حزين .. وخاطرك مكسور
عسى ماضاق بك صدر الزمان .. وسهّر اهدابك ؟
علامك ؟؟ جيت في بالك ..؟ صحيح تحس بي ؟ مشكوور
وربي ماهقيت ان الزمن يصحى .. ويصحى بك
ثلاث سنين .. ملّيت الوجيه .. وضحكة المقهور
اقول اني سليت .. ولا سليت الا عن عتابك
ثلاث سنين .. والاشواق في صدري عليك تفور
تهيضها الهدايا .. والقصيد .. وباقي اطيابك
ثلاث سنين .. وطيوفك كريمه بالوهم .. والزور
تصوّرك بعيوني كل ماشوقي تغنّابك
ثلاث سنين .. اجي نفس المكان .. الموحش المهجور
اثر حتى الاماكن ماتزين الا مع احبابك
رائع قصيدة جميلة
ترجمت روعة المعانى
سلمت ودمت بخير