في إحدى السنوات أصيب بالرمد فعصبت عيناه وصادف أنه في وقت إصابته حصل على قبيلته غزو ، فأخذت فرسه تجول وتصهل وهي مقيدة بالحديد لأنها تعودت على الحرب فعادة ما تكون في الطليعة مع المحاربين أو المدافعين ، فسمع مشعان صهيلها فهب يريد ركوبها ورفع الرباط عن عينيه فسال الدمع ولم يرى شيئاً فتحسر وأنشد يقول
القاء طلال السعيد
يا رب عجل بالنظر والعوافي=وأفرج لعين قد تدانى نظرها
يا خير مده على الناس ضافـــــــــــي=وحمال شدات كبار عبرهــــــــــــــــــا
يامن هو امره بين نون وكافــــــــــي=وزبني ليا جت ميله من دهرهـــــــــــا
تفرج لنا منت هالزمان الكسافـــــــــي=صارت نقوص وحسرة من حسرهــــا
هليت عبرات بصدري خوافــــــــــــي=منها شجر كبدي تقطع ثمرهــــــــــــا
تـسـعين ليلة ما تهنيت غـافــــــــــــي=كـن الـحماط بموق عيني جمرهــــــا
وخمسة عشر ليلة جـرالي هفافــــي=أزريـت أمـيز شمسها من قمرهــــــا
يـا حـظ أبو من قام عدل وجافــــــي=ومـشـى بريضان ٍ تخالف زهرهــــــا
صـاح الصياح وقيل مامن عوافــــي=وقـامـت ترادي سابقي من سكرهـــا
وقـعـدت انا مـع لابسات الغدافـــــــي=مـا كن جرالي ساعة ٍ في ظهرهـــــا
واركـب واخلي الخيل تذهب مقافـــي=ويـفـرح بي اللي يرتجيني باثرهــــــا
والى لحقت الخيل جاها خفافــــــــــي=عن السهل تركب شخانب وعرهــــــا
اورد بها حوض من الموت صافــــي=ولازم تروي حربتي من حمرهــــــــا
واردها والخيل صم مقافـــــــــــــــي=ويلوذ راعي الدوبلي في نحرهــــــــا
لا واهني من قام عجل متعافــــــــــي=ومشى بريضان تخالف زهرهـــــــــا
واسلاف تاطا مانبا من شرافــــــــــي=وظعاين كالديحاني شهرهـــــــــــــــا
والـيا ركبنـا الخيل جاهـا هفافــــــــي=تـاطا شخانيب الوعـر من ذعرهــــــا
يـا خيلنا يـاما وطـت من فيافــــــــي=تـاطـا على كالدوح ناعم شجرهـــــا
الـيا ذل عشيّق البنـّي الهلافــــــــــي=أقـفـا وخـلا عورتـه ما سترهــــــــا
ورّدتـها حوض ٍ من الموت صافـــي=وارويت انا عود القنا مـن حمرهـــا
يتلون أبو مشهور حر سنافــــــــــي=لاحام يشبع وحشها مع نسرهــــــــا
وان جاءنهار فيه يـبس الاشافــــــي=هوايل وتشيب اللي حضرهـــــــــــا
لابدنا بالموقف اللي خلافــــــــــــــــي=لاطار عن بيض العذارا خدرهـــــــــا
حريبنا لو هو بعيد يخافـــــــــــــــــي=من غارة كدرا منيس نذرهـــــــــــــا
قـول ٍ بـلا فعـل ٍ علينا يشافـــــــــــي=يـعـطي لسانـه لسنة ٍ من ذكرهـــــــا
وصلى عل محمد رزين الوصافــــي=واله وصحبه بدوها مع حضرهــــــا