بمناسبة فوز قبيلة عتيبة بجائزة الملك عبدالعزيز (طيب الله ثراه ) في مهرجان الإبل
وللموسم الثالث على التوالي
بسم الرجال الي تقود المهمات =تحمى مواقفها على نهج الاسلام
تسمعوا للعلم عبر الاذاعات =علمٍ يحق الحق ويزيح الاوهام
فـ ارض الصياهد ما نسوي علاقات =نبا نصدرهم عن المارد احيام
حنا لنا في ساعه الضيق صكات= تخلي النايم يهذري بالأحلام
والله ليسهر خصمنا غصب مابات = قدام يا عتيبة على العز قدام
المركز الأول لنا دوم عادات = نردع منافسنا بتحطيم الارقام
واللي يتحدانا يبا يذوق حسرات = يعض تال الوقت في راس الابهام
لاجـا المـداحم فِـعـلنا دوم بإثبات = هذي السنه والعام واللي ورا العام
ماهي غريبه لعتلينا المنصات = الحر دايم للنواميس مقدام
منزلك يالهيلا بروس الطويلات = بالعز وأمجادك على طول الايام
^^^^^^^^^^^^^^^^