[عيد مشعل]

خذت مني الليالي مـا تريـدهعطتني الشيب وهمومٍ تـوالا
على قلبٍ يحس بهـا وقيـدهابي تطفـى وزادت اشتعـالا
قديم الهم يفزع مـع جديـدهوانا وحدي ولا لـي إحتمـالا
تناوشنـي بطعنـاتٍ سديـدهتزيد الحـال سقـمٍ واعتـلالا
حرقت النفس مـرّاتٍ عديـدهوهملت اللي تبي لاجل العيـالا
قصرت الرجل ما تبعد بعيـدهوعقلت الساق عن كل ارتحالا
بعد ماكنت طيرٍ مـن يصيـدهاحلق في الفضاء شرق وشمالا
ابيهـم كلهـم شهـم ووليـدهابيهم مـن حلاحيـل الرجـالا
أبي كلٍ يفكّـر فـي عضيـدهويشيل حمول لو ماهي ثقـالا
بوقتٍ صعب واحوالٍ شديـدهبلا من يسنَدك مالـك مجـالا
بدل ما كل واحد فـي بديـدهبنفسه بـسّ ولغيـره محـالا
لك الله يازمن هـذا رصيـدهتغيّر في الطبوع بكـل حـالا
شبابٍ جـاي بسلـومٍ جديـدهوسلم اللي سبقهـم بالـزوالا
شبابٍ ما عرف عينٍ سهيـدهيعيش بـلا همـومٍ كالجهـالا
على الشيبان مركاتـه حديـدهيمـرّ العمـر عالـه واتكـالا
مريح النفس واحواله سعيـدهرجل ما له عيـال ولا حـلالا
اذا كثروا ربط نفسـه بقيـدهبضرايب هم في ثقل الجبـالا


صح لسانك



وعلى شانك

وسلمت من الهم

كتبت وابدعت


تحياتي وتقديري