سود الليالي والعيـون المشاهيـل=ترقب سواد الليل فـي كـل ليلـه
كود الليالي فـي نباهـا مراسيـل=يوم السري بالليل يخفـي نزيلـه
ومايبري اعواق القلوب المعاليـل=الا وصال اللي عن الوصل ميلـه
ومن ذاق ليعات الهوي والتهاويل=لابد لـه مـن ليعـة الهـم تيلـه
وكلن علي مطرودته هـده الحيـل=وطيري هدد من غير طردن وحيله
أبغي وصاله واعتـذاره مشاغيـل=ماعجب تصاريف الهوي في سبيله
هذاك يبغي من ودادي مواصيـل=وهذا يجافي عن وصالـه خليلـه
والطير ماغني علي الغصن تمثيل=بالعون يبكي مـن يفـارج خليلـه
ومن هز بنيان القوافـي مزاميـل=لابد يبدع في الحـروف الجميلـه
وتهزمكنون المولعـات المباهيـل=هز الغصن يـوم الهبايـب تميلـه
وذاك الذي في خاطري وصلته حيل=وذي وصلتن في خاطري مستحيله
وياجعل داره من امزونن مهاميـل=لـي دنهـا وابـل الغيـث حيلـه
وتسقي مفاليهـا أغيـومن مثاقيـل=يبقي مطرهـا كـل يـوم وليلـه
ويسقي ثراها من سماها مساييـل=تزهر به أهضاب الربيع الجميلـه
وأشوم أنا وياه بأرض المغاتييـل=وين الزهر والفل سـوى خميلـه
ذاك الذي في مهجتي منـه تعليـل=لو مد لي من غابر الوقـت ليلـه
خذني بلطفك يا لطيـف التفاصيـل=ولا تجعل أسباب اللقـي مستحيلـه
وأذكر هوانـا يـوم كنـا منازيـل=يوم الدجى والليـل يخفـي نزيلـه
لولا هواكم مـا بدعـت التماثيـل=ولا صغت بنيان الحروف الجميلـه
يا ريف يا ساري على ساكن الليل=بلـغ سلامـي للعيـون الكحيلـه
حلو الثنايا بـو سدولـن مجاديـل=مفرود في شكله وحسنـه وقيلـه
وآخر تحياتـي لكـم عـد ماقيـل=حرفن تباها في الحروف الصميلـه