من لم يمت بكرونا مات بغيره= وكل بهالدنيا يلاقي مصيره
ومادام كل ميّتٍ لامحاله = فافضل يموت الرجل مذكور خيره
لاتغرك الدنيا اذا من تبسمت= ياسرع ما تقلب بلحظه يسيره
ولا تصير عبد للدراهم تذلك= عند من لايساوي بعرةٍ من بعيره
خلك عزيز النفس قانع برزقك= تمد رجلك قد لحفٍ قصيره
الموت واحد فخل موتتك تشرف=عيالك ومن يذكرك في حسن سيره
لايهمك اللي صار عبد وخادم = من شان يكسب من نفوس حقيره
راحوا هل الثروات ما رد موتهم= كثر الفلوس وملبس من حريره
بالارض يتساوى غني ومعدم = وكلٍ يقابل رب عينه بصيره
وكلٍ يجازى قد ما كان يفعل = من خير والا شر محدٍ يجيره