السلا م عليكم عشاق المحاورة في منتدنا الرائع
انقل أليكم هذه المحاورة الساخنة بين شاعرين عملا قين
الشاعر /رشيدالزلامي وزميله الشاعر / محمد السناني
اليكم المحاورة
______________
رشيدالزلامي
هلا يا مرحبا ترحيبةٍ ترضي جميع القوم= وانا مادري جهينه ويش يزعلها ويرضيها
تراني ما نشدتك يالسناني عن علوم اليوم= أبا انشدعن علومٍ لي شهر وأسبوع موحيها
محمد السناني
يدوم بك البقا والقوم ما ترضى بحب خشوم= تقدم يالزلامي للقضيه وانت قاضيها
سمعنا كلمة الظالم سمعنا كلمة المظلوم= تداوي علة المظلوم والا ماتداويها
رشيدالزلامي
لياجت للقضا خليت عينك ماتذوق النوم = على شان الحصاه اللي من الهضبه تدربيها
واناوالله ماقسمت الحلال ولا حضرت قسوم = لكن اشكي على ربي ليا خربت يسويها
محمد الساني
اقول الحمد لله يالزلامي ماعليه لوم= أعرف انك تكحل عينها والصبح تعميها
من اللي قسم التفاح والرمان والبرشوم = أظن اصحابك الغالين ماليةٍ مخابيها
رشيدالزلامي
اكحل لي عيون رجال لن جافى العلوم علوم= وليلى مانكحلها يكحلها بناخيها
احد ياكل من النخله واحد من شجرة الزقوم = وخذها ياولد متروك وقبلها بمافيها
محمد السناني
أعرف انك سلالة قوم مانت من الظفر محروم = لكن فالربع افنديه عليك تطول اياديها
مادام انك من البارح قسمت القوم فرس وروم = ترى كلٍ محاسب يالصلاه اللي يصليها
رشيدالزلامي
ياماشاالله يبي ينفخ شريم وبرطمه مشروم = ليا حاول يشب النار جاها من يطفيها
ليا ضيعتها في وقتها ماني بها ملزوم = عساكم في الجحيم وذمتي منكم مبريها
محمد السناني
اراد الله ومن نجم السماء طاحن ثلاث نجوم = عسى الله لايعين اللي على راسه مضويها
وحنا نحترمك ولا نبيح بسرك الكتوم = نخاف الله لوانك صرت حاميها حراميها
على كذا انتهت المحاورة وعساء ان وفقت في النقل
واعذروني على التقصير اذا حصل تحياتي لكم