اولا :- انني احبك في الله
2- هل تحب ومن تحب
3- ماهي القصيده التي قلتها في احب الناس اليك
4- اراك هواوي القلب اثاريك معلم ؟؟؟؟ ماهو الطريف من موقع عملك وما قلت فيه من ابيات
5- مايعجبك من الشعر ؟؟؟ الغزل -الهجاء -المدح - النصح - الحكم - الاجتماعيات-وما اقربها لك
6- مارأيك بعولمة الاعلام الثقافي وهل اثمر عن فائده للمجتمع العربي والخليجي خاصه
7- ماذا تعني لك الاسماء التاليه:- الاب - الام- الاخوان - زملاء المهنه - زملاء الفكر - الفطاحله
هلابك اخوي منصور
احبك الله الذي احببتني فيه
وهذا من طيبك وطيب اصلك يالغالي
هل احببت ؟
اكيد مافيه احد ماحب في يوم من الايام او قد يكون عشق بالمعنى الاصح
والدليل تغير المعشوق من فتره لفتره ههههههههه
هذا كان فالصغر اما الان فالحب للام والاب والزوجه والاولاد
ومانكتب من قصائد غزليه هي من باب التسلي فقط فالشعراء يقولون مالايفعلون
بالنسبه للقصيده في احب الناس لي كانت في اخي رحمه الله ولكن للاسف لم استطع اكمالها او بالاحرا محاولت تجنب اكمالها وبقيت معلقه
اما مواقف العمل فكثيره ولكن للاسف من كرهي للعمل لم اضع فيه قصيده بمعنى قصيده ولكن بويتات حسب الموقف وتنسى مع الوقت
وهذه الابيات كانت بسبب احد المواقف وهي موجوده في المنتدى
يامل قلب(ن) يفر وداخله حـره = بسبابِ دنــياً على ربي مـشاكيها
لامن صفت مرة(ن) شانت لها مـره = تقبــل وتقفي ولادري وش تواليها
مدري على ويشِ بعض الناس مغتره *= ماهوبِ من زودِ مار ابليس مغويها
ليته مثـل ماكفا خـيره كـفا شـره = يشـيلـها كلّـــها والا يخليـهـا
في الدار ماشـفت له بصمه ولاجره *= لكنِ في غيــرها رجلـيه محفيها
قلته وانا ولـد حر(ن) من بطن حره *= مانيب لاخايف(ن)منها ولا ارجيها
الله هو اللي يسر الـعبـد ويـضره *= ماغيـره النفـس يحيــيها ويفنيها
والرزق ماهوب عند الناس تصطره *= امـدبر الـرزق يمنعـها ويعطـيها
اما مايعجبني من اغراض الشعر
فكلها محببه لي وخاصه مجال الحكمه
ولي قصيده موجوده بالمنتدى ايضاً وهي بعنوان ( هيه ياذا الوقت وش عندك بعد )
اما العولمه الثقافيه وما ادراك مالعولمه
في نظري انها اضافة لمسات سحريه على ماكان موجود لدينا مع كونها اختراق قد يضيع الموروث القديم حسب قوت تاثيره وخاصة على الجيل الجديد
فهو غزو من جميع الجهات ولايمكن التصدي له
اما مايعني لي الاب والام والاخوه
فجميع الكلمات والتعابير لاتفي بترجمة ماتعني
فهي اكبر من كل الكلمات وتبقى احساس وشعور وجداني يحس ولايلمس
اما الزملاء
فهم لابد للانسان من وجودهم في حياته
منهم من يكون قريب منك ومنهم من يكون بعيد
ولكن جميعهم نحبهم ويتبادل معهم الافكار والثقافات والخبرات العمليه والاجتماعيه والترفيهيه