السلام عليكم ورحمة الله وبركاته..
اخي القارئ الكريم عضواً كان او زائر اقدم لكم هذه القصيده الهادفه والتي شاركت بها في ملتقى البر والاحسان بحافظة المذنب.اتمنى ان تصل الى مستوى اعجابكم...
قصيدة البِرّ
بسم الله ابدأ دون ضعف وهواني=أسرد بمد الفكر شفه وكيفه
أبيات شعرٍ طيبات المعاني=من قلبي المؤمن بحمله عفيفه
حملة مساعي خير للمودماني=ترعى سباقٍ في قصيده نظيفه
قصيدة البر وهدفها دعاني=عسى مقام البر يصعد بنيفه
فوق القمم ما ينخفض للطماني= ينزف قيم للمجتمع عن محيفه
واسمع يا بن آدم ترى العمر فاني=تغانمه قبل الندم والحسيفه
أوف الذي أعطاك عطف وحناني=حقٍ عليك الدين تدفع خليفه
للوالدين أحسن بلين اللساني=ولا تجعل الغلطه عليهم عنيفه
حقق مطالبهم بجد وتفاني=وقلبك لهم خله حدايق ظريفه
وتجوَّد بعطفك لهم بالزماني=تطيب نفسك بالسنين المخيفه
لا.ما تقول افٍ لهم كيف كاني=أمر الله ومذكور بآيه شريفه
أمك وابوك حقوقهم بالبياني=الله منزلها بِشِرْعَه لطيفه
تعطا وفاء واحسان لأهل الحسَاني=الوالدين مكابدين الكليفه
فيها سمو اخلاق وفيها حَسَاني=ومن ينبذ الإحسان نفسه ضعيفه
والبر بالإسلام له باب ثاني=للعبد ريعه عند ربه يظيفه
صِلَْةَ الرَّحِمْ فيها المحاسن سماني=بين الأقارب . حب يخْضرّ ريفه
والبر خيرٍ يستحقه إمعاني=شح الرغيف وجور بقعا وليفه
والبر والإحسان سر وعلاني=واجبك يا المسلم تزوِّد ذريفه
وصلوا على اللي منزله بالجناني=نبينا المختار إلمِلَّه حنيفه
وسلامتكم
عبدالله الشويمان-الرعد