افتح قناة
إلى هؤلاء الذين أفسدوا عقولنا
لو انك غني
فافتح قناة
قلّع هدوم
عرّي العيوب
وافتح قناة
قلّ الأدب
قول دا طرب
وافتح قناة
نافق وميّس
أبج كويس
وافتح قناة
ارزع فضيحة
ولو دي طريقة
لكسب المعاش
ومن الفضايح
لمّ الدبايح
وافتح قناة
انسى الخلق
خش السبق
وافتح قناة
وان حد قال لك
عيب اختشي
قول له ع مهلك
ولا انت شايفني
بالعيب مكتسي
بجّح في وشه
قبّح كمان
وان جاك تهشه
وسد الودان
وافتح قناة
يا اخي خاف م اللي خلقك
واخشى ان يوم
تقابل فه ربك
ساعتها هتصرخ
وتندم كمان
على إنك في يوم
فتحت القناة
باسم زكريا