[عبدالكريم العياش]

طااااااااااح باب السجن
اهداء مع التحيه لعصر العوووولمه وابناءه في كافة
مواقع التواصل الاجتماعي .وياقلب لاتحززززن

كل عام(ن) وانت بخير.مبسوط.طيّب = ياانفتاح التواصل طاح باب السجن
دام لي خط واضح دون شي (ن) يعيّب = حيّهن لااحتمن بي وتحت جنحي لجن
والنوايا نظيفه مثل هملول صيّب = وماعلي كان راحن ولا علي كان جن
اكتب احساس قلبي وسط اية كتيّب = وخايبه وسخ الألسن ان حكن وهرجن
ودّي انّك بعيد وودّي انّك قريّب = ومع بعضهن بنفس الوقت عيّن يجن
وودّي انّك بغيض وودّي انّك حبيّب = بس قلبي عجن حبك بوسطه عجن
وضخّه القلب للأبهر.ابد من قريّب != واختلط بالعروق وصار يعزف شجن
ليه ياقلب دايم فيك ضنّي يخيّب = وانت قلبي وتعصى!.انتحر.او.أجن
ومشكلة بعض ناس(ن) للضمايرتغيّب = وتقذف المحصنات ان كانهنّ بهجن
الشرف للحراير يحسبونه مسبيب = العفيفات من فخ (التواصل) نجن
ولّ وجه(ن)مغبّر زايغ(ن) ومتريّب = كلما مات جنّي جاك جنّي أجن
حامل(ن) سؤ ضنّه هاجم(ن) ماتهيّب = هذي افكاره اللي بالظلام انسجن
لوتوضأ ودهّن لحيته او تطيّب = ماتجوز الفريضه في معاطن هجن
يالله اني طلبتك وطالبك مايخيّب = طهّر قلوب ناس (ن) امتلت بالمجن
في زمان (ن) تغيّر منّه الطفل شيّب = الخلايا لعفوك يالآهي لجن

1 / 1 / 1433